Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Órtten shyqqan qoıý tútin almatylyqtardyń záresin aldy

2021 jyldyń 25 shilde 2021 15:44

ALMATY. QazAqparat – Almatyda úsh qabatty ǵımarattyń shatyry janyp ketti, dep habarlaıdy QazAqparat.

Jelide órt týraly beınejazba tarap ketti. Kýágerler Gornyı gıgant aımaǵynda kólik jýý qyzmetin kórsetýshi ǵımarattyń órtenip jatqanyn habarlady.

Almaty tótenshe jaǵdaılar departamentiniń baspasóz qyzmeti 25 shilde kúni saǵat 13:50-de qutqarýshylardyń Gornyı gıgant, Ahmedııarov kóshesi, 20 mekenjaıyna shyqqanyn habarlady.

Saǵat 13:57-de kelgen tótenshe jaǵdaı qyzmetkerleri 3 qabatty ǵımarattyń shatyry qaýlap janǵanyn anyqtady.

«Jaqyn mańdaǵy turǵyn úılerge taralý qaýpi týyndady. Dereý órt sóndirýi oqpandary qoldanylyp, avtotsısternalar órt gıdranttaryna ornatyldy. Órt ornynda jedel shtab quryldy. Energııamen qamtamasyz etý qyzmeti nysandy toqtan sóndirdi. Qysqa merzimde órttiń taralý qaýpi toqtatylyp, 25 mınýt ishinde órt sóndirildi», – dep naqtylady tótenshe jaǵdaılar departamentiniń baspasóz qyzmeti.




Joǵary qaraı