Aýa raıy
Astana -13 °S
Almaty -9 °S
valıýta baǵamy
USD 421.58
EUR 496.83
RUB 5.53
CNY 62.20

Ortalyq saılaý komıssııasy ótinishter qaraýdy jaqsy jolǵa qoıǵan – sarapshy

2020 jyldyń 27 qarasha 2020 15:37

NUR-SULTAN. QazAqparat - QR Ortalyq saılaý komıssııasy aldaǵy saılaý naýqanyna qatysty ótinishtermen tıimdi jumysty jolǵa qoıǵan. Mundaı pikirdi Eýrazııalyq ıntegratsııa ınstıtýtynyń sarapshysy Qazybek Maıgeldınov bildirdi, dep habarlaıdy QazAqparat tilshisi.

«Saılaýaldy naýqan qarqyn alyp kele jatyr. Bul rette halyqtyń azamattyq belsendiligimen qatar, partııalardyń belsendiligi de arta túsýde. Degenmen, qoǵam úshin óziniń saıası mádenıetin kóterý mańyzdy. Ol úshin ókiletti organdar keń buqara arasynda azamattyq, quqyqtyq aǵartýshylyq úshin túsindirý jumystaryn sapaly ári ret-retimen júrgizýi tıis», - dedi sarapshy.

Osy rette ol keshe Ortalyq saılaý komıssııasy otyrysyn ótkizip, óziniń ókilettigine qatysty túsindirme bergenin aıtady. Máselen, saılaý jarııalanǵan kún – 21 qazannan bastap búginge deıin Ortalyq saılaý komıssııasyna 34 ótinish kelip tústi. Beseýi – jeke tulǵalardan, 29 – zańdy tulǵalardan, onyń ishinde 13 – BAQ-tan. Kóteriletin máselelerdiń sıpaty boıynsha ótinishterdi bylaısha bólýge bolady: 50 paıyzy, ıaǵnı 17 ótinish «Saılaý týraly» Zańnyń normalaryn túsindirý týraly, 17 paıyzy – saılaý protsesin uıymdastyrý máseleleri boıynsha aqparat berý, 12 paıyzy – saılaý zańnamasyn jáne OSK qyzmetin jetildirý jónindegi usynystar, 21 paıyzy – ózge de máseleler boıynsha.

Kórsetilgen kezeń ishinde kelip túsken 34 ótinishtiń ishinen OSK apparaty tarapynan 22-sine belgilengen merzimde ótinish berýshilerge tolyq jaýap berildi. 4-eýi Ortalyq saılaý komıssııasynyń quzyretine kirmeıtindikten, zańda belgilengen tártippen memlekettik organdarǵa qaıta joldandy. Qaıta jasalǵan bir ótinish qaraýsyz qaldyryldy. BAQ-tyń eki aqparattyq habarlamasy OSK saıtynda ornalastyryldy. 5 ótinish qaralýda. Oryndalmaǵan ótinishter joq.

«Der ýaqytynda aqparattandyrýdyń mundaı úrdisin halyqtyń, sonymen qatar saıası partııalardyń tarapynan saýal retinde qabyldap, turaqty monıtorıng rejımin qoldana otyryp jalǵastyrý qajet. Sońynda aqparattyq qysym men qandaı da bir jaǵdaıdy qıys túsindirýler oryn almaıdy. Al ondaı jaǵdaılar saılaý jaqyndaǵan saıyn az bolmaıtyndyǵy túsinikti», - dedi Qazybek Maıgeldınov.


Perevod Marlan Jıembaı
Basty sózder: Saılaý-2021, Saılaý,
Joǵary qaraı