Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«Ortalyq Azııa - Úndistan»: Cyrtqy ister mınıstrleri yntymaqtastyq perspektıvasyn talqylady

2021 jyldyń 19 jeltoqsan 2021 21:36

NЬıÝ-DELI. QazAqparat – Búgin Úndistan astanasy Nıý-Delıde Úndistan Syrtqy ister mınıstri Sýbramanıam Djaıshankardyń shaqyrýymen Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi «Ortalyq Azııa - Úndistan» dıalogy Cyrtqy ister mınıstrleriniń 3-shi kezdesýine qatysty. QazAqparat bul týraly QR Syrtqy ister mınıstrligine silteme jasap habarlaıdy.

Іs-sharaǵa Túrikmenstan Mınıstrler kabıneti tóraǵasynyń orynbasary – Syrtqy ister mınıstri Rashıd Meredov, Qyrǵyz Respýblıkasynyń Syrtqy ister mınıstri Rýslan Kazakbaev, Tájikstan Respýblıkasynyń Syrtqy ister mınıstri Sırojıddın Mýhrıddın, sondaı-aq Ózbekstan Respýblıkasynyń Syrtqy ister mınıstri Abdýlazız Kamılov qatysty.

Kezdesý barysynda syrtqy ister mınıstrleri kópjaqty yntymaqtastyqtyń perspektıvalyq baǵyttaryn jáne ekonomıkalyq ózara is-qımyldyń tıimdiligin arttyrý, onyń ishinde ózara saýda, ınvestıtsııa, ónerkásip jáne Úndistanmen kólik baılanysyn nyǵaıtý máselelerin talqylady.

Qatysýshylar zamanaýı syn-qaterler men qaýip-qaterlerge birlesip áreket etýdiń mańyzdylyǵyn atap ótti. Aımaqtaǵy ekologııalyq problemalardy sheshý, transulttyq qaterlerdiń aldyn alý, sondaı-aq mádenı almasýdy nyǵaıtý joldaryn taldady. Ortalyq Azııa óńirindegi birlesken jobalardy júzege asyrýǵa erekshe nazar aýdarylyp, Dıalogtyń basym baǵyttary belgilendi.




Qazaqstan delegatsııasynyń basshysy óz sózinde elder arasyndaǵy ózara is-qımyldy nyǵaıtýdyń mańyzdylyǵyn atap, osy forýmnyń ınstıtýtsıonaldyq tetikterin jetildirý, óńiraralyq saýdany ártaraptandyrý, tranzıttik baǵyttar men jasyl energetıkany damytý, sondaı-aq qarjy tehnologııasy, tsıfrlandyrý jáne IT ındýstrııasy sııaqty baǵyttar boıynsha óńirlik ózara is-qımyldy keńeıtýdiń mańyzdylyǵyn atap ótti.

Forýmnyń qorytyndysy boıynsha «Ortalyq Azııa - Úndistan» dıalogy Syrtqy ister mınıstrleriniń Birlesken málimdemesi qabyldandy.

Sol kúni Qazaqstannyń SІM basshysy úndi áriptesi S.Djaıshankarmen ekijaqty kelissózder júrgizip, taraptar ekijaqty jáne óńirlik kún tártibindegi máselelerdi, sondaı-aq elder arasyndaǵy strategııalyq áriptestikti odan ári tereńdetý joldaryn, onyń ishinde aldaǵy joǵary jáne asa joǵary deńgeıdegi is-sharalar máselelerin talqylady.

Sondaı-aq, Ortalyq Azııa elderiniń syrtqy saıası vedomstvolary basshylarynyń Úndistan Premer-Mınıstri Narendra Modımen ujymdyq kezdesýi ótedi dep kútilýde.




















Joǵary qaraı