Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ortalyq Azııa elderindegi memlekettik sektordy tsıfrlandyrý jobasy bastaldy

2021 jyldyń 10 qyrkúıek 2021 17:18

NUR-SULTAN. QazAqparat - Koreıa Respýblıkasy Úkimeti, Astana memlekettik qyzmet haby men BUU DB Ortalyq Azııa men Kavkaz elderindegi memlekettik sektordy tsıfrlandyrý jobasyn bastady, dep habarlaıdy QazAqparat.

Ortalyq Azııa jáne Kavkaz elderinde memlekettik basqarý júıesine ınnovatsııalary engizý jáne memlekettik qyzmetter kórsetý salasyn tsıfrlandyrýmen aınalysatyn memlekettik qyzmetshiler men praktıkterdiń áleýetin arttyrý boıynsha Koreıa Respýblıkasy Úkimeti men Astana memlekettik qyzmet haby birlesken jobaǵa kiristi.

Úsh jylǵa arnalǵan jobany hab, Qazaqstandaǵy BUU Damý Baǵdarlamasy (BUUDB), Іshki ister jáne qaýipsizdik mınıstrligi (MOIS) jáne Koreıa aqparattyq qoǵam máseleleri jónindegi ulttyq agenttigimen (NIA) áriptestikte iske asyrady.

Jobany Koreıa Respýblıkasy Úkimeti qarjylandyrady.

Bul joba 2019 jyldyń qarasha aıynda habtyń basqarý komıteti tóraǵasy Álıhan Baımenov myrzanyń Koreıaǵa sapary barysynda, onyń MOIS jáne NIA basshylyǵymen kezdesý kezindegi habtyń bastamasy retinde kóterilgen.

Al bıyl shildede BUUDB men MOIS arasynda «Memlekettik basqarýda ınnovatsııalardy damytý jáne memlekettik qyzmetterdi tsıfrlandyrý úshin áleýetti nyǵaıtý» jobasyn iske asyrýǵa grant berý týraly kelisimge qol qoıyldy.

24 tamyzda seriktesterdiń kezdesýi kezinde resmı túrde joba iske qosylyp, tusaýkeseri ótip, maquldandy.

Joba jetekshi koreıalyq sarapshylardy tarta otyryp, memlekettik qyzmetshilerdiń biliktiligin arttyrý boıynsha zertteýler, semınarlar ótkizýdi, Koreıa Respýblıkasy memlekettik mekemelerine tanystyrý saparlaryn uıymdastyrýdy kózdeıdi.

Joba nátıjesinde memlekettik qyzmetshiler memlekettik basqarýdaǵy qajetti ınnovatsııalyq tásilderdi jetik meńgerip, memlekettik qyzmet kórsetýdiń túrli ádisterimen tanysyp jáne olardy óz elderinde engizý úshin qajetti bilim men daǵdyǵa ıe bolady dep kútilýde.

Jalpy joba azamattardyń ómir súrý sapasyn jaqsartýǵa, olardyń memleket ınstıtýttaryna degen senimin arttyrýǵa, sondaı-aq memlekettik sektordaǵy sybaılas jemqorlyq deńgeıin tómendetýge baǵyttalǵan.


Joǵary qaraı