Aýa raıy
Astana 22 °S
Almaty 28 °S
valıýta baǵamy
USD 412.55
EUR 465.73
RUB 5.79
CNY 58.91

Órt sóndirýshi kópirden sekirmek bolǵan er adamdy qutqardy - BQO

2019 jyldyń 13 qarasha 2019 21:50

ORAL. QazAqparat  – Oralda er adam kópirden sekirmek boldy, dep habarlaıdy QazAqparat tilshisi.

Batys Qazaqstan oblystyq Tótenshe jaǵdaılar departamentiniń baspasóz hatshysy Jádiger Qusaıynovtyń aıtýynsha, oqıǵa 10 qarasha kúni saǵat 04.00 shamasynda boldy. Er adamdy №7 qalalyq órt sóndirý bóliminiń qyzmetkeri, azamattyq qorǵaý serjanty Dııas Demeshev qutqaryp qaldy. Ol sol ýaqytta áıelimen jáne dostarymen birge taksımen úıge qaıtyp kele jatqan. Depo kópiri tusynda Dııas pen júrgizýshi kópir qorshaýynyń arǵy betine jartylaı ótip alǵan jas adamdy baıqaǵan.

Mashınany toqtatýdy ótingen órt sóndirýshi júgirip baryp qorshaýdan ótip, sekirgeli turǵan er adamdy keıin tartyp alady. Keıin «102» telefonyna qońyraý shalyp, polıtsııaǵa bolǵan jaıdy habarlaıdy. Jedel járdem kóligi de kelip jetedi.

«Dııastyń tanystary eki táýlik ótkennen keıin habarlamasa, bul oqıǵa jóninde eshkim bilmes edi. Bizdiń qyzmetkerdiń jedel de saýatty áreketi arqasynda bir adam aman qaldy», - dedi QazAqparat tilshisine J.Qusaıynov.

Avtor Eljan Eraly
Basty sózder: Batys Qazaqstan oblysy, Oqıǵa, Aımaq,
Joǵary qaraı