Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Órt qaýipsizdigi: Elorda mamandary eskertý jasady

2021 jyldyń 5 mamyr 2021 16:12

NUR-SULTAN. QazAqparat – Elordadaǵy Tótenshe jaǵdaılar departamenti bastyǵynyń orynbasary Sábıt Bıtaev qala aýmaǵynda qurǵaq shóptiń órtenýi jıilep ketýine baılanysty eskertý jasady, dep habarlaıdy QazAqparat tilshisi.

«Kóktemgi jyly kúnderdiń bastalýymen qala turǵyndary jeke aýlalardy, uıymdar men kóshelerdiń aýmaqtaryn belsendi tazalaý jumystaryn bastady. Osy aptanyń ishinde turǵyndarynyń úıler men saıajaı alaptarynda qoqys pen qurǵaq shópterdi órteýdiń 10 faktisi anyqtaldy. Órt qaýipsizdigi erejesin saqtamaý, sondaı-aq turǵyndar qaýipsizdikke salǵyrt qaraý saldarynan qoqystardy jaǵý jaǵdaılary órttiń taralýyna ákelýi múmkin. Budan qurǵaq shóptiń órtenýi men onyń basqa aýmaqtarǵa taralýyna negizgi sebepker – adamdardyń ózderi. Osyǵan baılanysty departament órt qaýipi kezeńi bastalǵannan beri túsindirý profılaktıkalyq jumysyn belsendi júrgizýde», - dedi S. Bıtaev onlaın baspasóz máslıhatynda.

Onyń aıtýynsha, 1-3 mamyr aralyǵynda qalanyń saıajaı qoǵamdarynda aýdan ákimdikteri, polıtsııa departamenti ókilderiniń, sondaı-aq eriktilerdiń qatysýymen túsindirý jumysyn júrgizý jáne jadynamalar tabystaý arqyly keń aýqymdy aktsııa ótkizildi.

Úsh aktsııa is-sharasynda 19 saıajaı qoǵamynda jáne 1 turǵyn alabynda 3167 ýchaske qamtyldy, 4750 jadynama tapsyryldy.

«Elorda aýmaǵyn kún saıyn aralaý kezinde qurǵaq shópter men qýraǵan aǵash jáne qamystyń ýaqtyly shabylmaýy órttiń taralýyna yqpal etetindigin kórsetti. Bul jumystardy jergilikti atqarýshy organdar júzege asyrady. Osy jumystardy júrgizbese, sońy qaıǵyly saldarǵa ákelip soqtyrýy múmkin. Máselen, bıyldyń 2 mamyrynda «Garant Avto Sıtı» saýda ortalyǵynyń janynda qamys pen qýraǵan shóp janyp, órt úıge taraldy. Osynyń saldarynan úı jáne 2 jeńil kólik, gaz ballondar turǵan sharýashylyq qurylysy tolyǵymen órtenip ketti. Sol jerde azamattar symdardy órtep, ony baqylamaı, órt ornynan qashyp ketken», - dedi departament ókili.

Osy oraıda Tótenshe jaǵdaılar departamenti qala turǵyndaryna eskertý jasady.

«Órttiń aldyn alý maqsatynda árbir azamat óz ýchaskesiniń aınalasyndaǵy byltyrǵy shópti órtemeýi tıis. Sonymen qatar, qaldyqtar men túrli qaptama (jáshikter, ydystar) kúıindegi qoqysty órteýdi ǵımarattar men qurylystardan keminde 50 metr qashyqta júzege asyrý kerek. Osy oraıda qoqysty órteýdi osy maqsatqa arnaıy bólingen oryndarda jáne qyzmet kórsetýshi personaldyń baqylaýymen júrgizgen jón. Jerge óshpegen sirińke men temeki tuqylyn laqtyrmaý kerektigin eskertemiz. Balalardyń órt qaýipti zattarmen oınamaýyn qadaǵalaý kerek», - dedi Sábıt Bıtaev.

Budan buryn habarlanǵandaı, Nur-Sultan qalasynyń aýmaǵynda qurǵaq shóp pen qamystyń órtenýi jıilep ketti.


Joǵary qaraı