Aýa raıy
Astana -18 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

Ormandy ulǵaıtý: Pavlodar oblysynda aldaǵy bes jylda 74 mln tal egiledi

2020 jyldyń 24 qarasha 2020 11:06

NUR-SULTAN. QazAqparat – Orman kólemin ulǵaıtý maqsatynda Pavlodar oblysynda aldaǵy bes jylda 74 mln kóshet egiledi. Bul týraly Úkimet otyrysynda Pavlodar oblysynyń ákimi Ábilqaıyr Sqaqov málim etti, dep habarlaıdy QazAqparat tilshisi.

Úkimet otyrysynda Ekologııa, geologııa jáne tabıǵı resýrstar mınıstri Maǵzum Myrzaǵalıev Pavlodar oblysynyń Jol kartasy otyz úsh 33 tarmaqtan turatynyn atap ótti.

Onda mynadaı mańyzdy ekologııalyq is-sharalar kózdelgen: «Qazhrom» kásiporynyndaǵy gazdan tazartý júıesin qaıta jańartý jáne 982 myń tonna shlakty qaıta óńdeý, «Eýroazıattyq energetıkalyq korporatsııasy» energııa blogyn ekologııalyq tehnologııalarmen jabdyqtaý, «Qazaqstannyń alıýmınııi» kásiporynyndaǵy gazdan tazartý júıesin qaıta jańartý, kógaldandyrý, aınalmaly sýmen jabdyqtaýdy engizý jáne jańadan 9 polıgon salý.

Mınıstrdiń aıtýynsha, jalpy is-sharalardy iske asyrýdyń arqasynda shań shyǵaryndylarynyń kólemi keminde 30%-ǵa tómendeıdi.

Óz kezeginde Pavlodar oblysynyń ákimi Ábilqaıyr Sqaqov Pavlodardaǵy alıýmınıı zaýyty eki elektr súzgini ınnovatsııalyq gıbrıdtik súzgige aýystyrǵanyn jetkizdi. Bul shańdy 2,4 myń tonnaǵa azaıtýǵa múmkindik bergen.

Sonymen qatar «Qazaqstan-elektrolız» zaýytynyń tsehtarynda súzgiler aýystyrylyp jatyr.

«Orman kólemin ulǵaıtýdyń qadamdyq jospary jasaldy. Bes jyl ishinde 16,5 myń gektarǵa 74 mln kóshet egiledi. Odan basqa bes jylda 100 myń aǵash egýdi kózdeıtin qalalardy kógaldandyrýdyń keshendi óńirlik baǵdarlamasy ázirlenýde. Qoǵamdyq tyńdaýlardy onlaın formatta ótkizýde halyqty kóptep tartý óz áserin tıgizdi. Jyl basynan beri óńirde 95 tyńdaý ótkizildi. 2015 jyldan bastap ekologııalyq keńes jumys isteıdi», - dedi ol.


Joǵary qaraı