Aýa raıy
Astana 5 °S
Almaty 14 °S
valıýta baǵamy
USD 421.58
EUR 496.83
RUB 5.53
CNY 62.20

Ordabasyda koronavırýs juqtyrǵan sońǵy naýqas jazylyp shyqty

2020 jyldyń 7 tamyz 2020 01:51

ORDABASY. QazAqparat – Túrkistan oblysy, Ordabasy aýdanynda koronavırýs juqtyrǵan sońǵy naýqas jazylyp shyqty. Búginde aýdandyq ortalyq aýrýhananyń koronavırýs ınfektsııasyn juqtyrǵan naýqastarǵa arnalǵan ınfektsııalyq bólimi bosap qalǵan, dep habarlaıdy QazAqparat tilshisi.

QR Parlament Májilisiniń depýtaty Nurjan Áltaev bastaǵan respýblıkalyq «Qoǵamdyq baqylaý» ókilderi aýdandyq aýrýhanada bolyp, jaǵymdy jańalyqqa kýá boldy. Óńirdegi kóptegen dárihanalar men aýrýhanalardaǵy ahýalmen jáne medıtsına qyzmetkerleriniń eńbek jaǵdaılarymen tanysyp, usynystaryn tyńdady. Jalpy, Ordabasy aýdandyq ortalyq aýrýhanasy 120 myń halyqqa qyzmet kórsetedi. Aýdanda koronavırýs ınfektsııasyn juqtyrǵan 158 naýqas tirkelgen. Onyń ishinde 2 azamat qaıtys bolsa, ózge emdelýshiler tolyq jazylyp shyqqan. Pnevmonııa aýrýy da azaıyp, provızorlyq gospıtaldyń tósek sany 40 orynǵa qysqarǵan. Qazir atalǵan indetpen 21 naýqas em qabyldaýda. Aýdandyq aýrýhana 9 ókpeni jasandy jeldetý apparaty jáne 70-ten astam tósek-oryn ottegimen qamtý jabdyqtarymen qamtamasyz etilgen. Jeke ottegi jetkizý ortalyǵy ornatylǵan. Dári-dármek qory jetkilikti. Bir aı buryn qurylǵan 17 mobıldi top 1 myńǵa jýyq naýqasqa úılerine baryp, em kórsetken. Qaýipti indet juqtyrǵandardyń biri Myrzabaı Ońlabek aýrýhanaǵa dem jetpeı, aýyr halde túsken. 80 jastaǵy aqsaqal búginde jaǵdaıynyń jaqsarǵanyn aıtady. Dertinen aıyǵyp, úıine shyǵarylǵan zeınetker búginde dárigerlerge alǵysyn jaýdyryp otyr. «Qoǵamdyq baqylaý» ókilderi aýrýhananyń ınfektsııalyq jáne provızorlyq bólimderin aralap, jedel-járdem kóliginiń jáne zerthana jaǵdaılarymen tanysyp shyqty. Olar sonymen qatar Túrkistan qalalyq ortalyq aýrýhanasyn da aralap kórdi. Osyǵan deıin Oral, Taldyqorǵan, Almaty oblysy men Shymkent qalalarynda bolǵan top ókilderi medıtsınalyq uıymdardyń ahýaly men dárihanalardaǵy baǵa turaqtylyǵyn qadaǵalaýdy jáne medıtsına qyzmetkerleriniń usynys-pikirlerin tyńdap, olarǵa qoldaý kórsetýdi maqsat tutqan.


Basty sózder: Koronavırýs, Túrkistan oblysy,
Joǵary qaraı