Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oralda joǵalyp ketken jeti jasar bala tabyldy

2021 jyldyń 25 qańtar 2021 03:24

ORAL. QazAqparat – Oral qalasynda joǵalyp ketken jeti jasar bala tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 24 qańtar kúni Eski áýejaı aýdanynda boldy.

Jeti jasar bala shamamen saǵat 14.00-de úıinen shyǵyp ketkennen oralmaǵan. Úlken uly kishkentaıynan ózi derbes júrip úırengendikten, anasy basynda mazalanbaǵan. Tek kesh túsip, balasy kelmegennen keıin saǵat 19.23-te polıtsııaǵa shaǵymdanǵan. Óziniń izdeýge múmkindigi bolmaǵan. Óıtkeni eri uzaq ýaqyt boıy vahtalyq ádispen jumys isteıtindikten, 32 jastaǵy áıel úsh balasyna kóbine ózi bas-kóz bolyp keledi.

Polıtsııaǵa shaǵym túsken boıda ıývenaldy polıtsııa bólimshesiniń jeke quramy aıaǵynan tik turdy. BQO polıtsııa departamentiniń barlyq bólimshelerine, eriktilerge baǵyt berildi.

Іzdestirý sharalary barysynda ıývenaldy polıtsııa bólimshesiniń ınspektory, polıtsııa kapıtany Samat Spashev bir saǵattaı ýaqyt ótken soń joǵalǵan balanyń qaıda júrgenin anyqtady.

Máseleniń mánisi bylaı bolyp shyqty. Atalǵan otbasy Eski áýejaı aýdanynda jeke úı jaldaǵanyna kóp bolmaǵan. Sondyqtan kórshilerimen tanysyp úlgermegen. Al uldary olardyń balalarymen aralasyp júrgendikten, sol sebepti ata-analary joq kezde úılerine shaqyrǵan. Bala kórshilerdiń úıinde kúni boıy oınaǵan.

Polıtsııa qyzmetkeri tabylǵan balany anasynyń qolyna tapsyrdy.



Joǵary qaraı