Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oralda túrmedegi tóbeleske baılanysty 12 qyzmetker jaýapqa tartyldy

2022 jyldyń 19 mamyr 2022 14:10

ORAL. QazAqparat – Oralda túrmedegi tóbeleske baılanysty 12 qyzmetker tártiptik jaýapkershilikke tartyldy. BQO boıynsha qylmystyq-atqarý júıesi departamentiniń baspasóz qyzmeti málim etkenindeı, sonyń ishinde RÝ-170/2 mekemesiniń bir qyzmetkeri qyzmetinen shettetildi, dep habarlaıdy QazAqparat tilshisi.

«Tekserý qorytyndysy boıynsha taǵy úsh qyzmetkerge qyzmetine tolyq sáıkes emestigi jóninde eskertý berildi. Tórt adamǵa qatań sógis jarııalandy. Úsheýi sógis alsa, taǵy bireýine eskertý berildi», - dep habarlady vedomstvodan.

Eske sala keteıik, budan buryn Oral túrmesinde tóbeles bolyp, 10 adam jaraqat alǵanyn jazǵan edik. Atalǵan oqıǵa boıynsha QR QK 107-baby 2-bóligine (densaýlyqqa qasaqana aýyrlyǵy ortasha zııan keltirý) sáıkes polıtsııa qyzmetkerleri sotqa deıingi tergeý amaldaryn júrgizip jatyr.

BQO densaýlyq saqtaý basqarmasynyń baspasóz qyzmeti osy oqıǵa kezinde jaq súıegi synǵan adamnyń áli aýrýhanada jatqandyǵyn jetkizdi.



Joǵary qaraı