Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda trenajer symyna oralyp qalǵan bala jansaqtaý bólimine tústi

2021 jyldyń 25 qyrkúıek 2021 20:03

ORAL. QazAqparat - Oralda 9 jasar bala balalar alańynda trenajer symyna oralyp qalyp, tunshyqqan, dep habarlaıdy QazAqparat tilshisi.

BQO Polıtsııa departamenti baspasóz qyzmetinen túsken málimetke qaraǵanda, oqıǵa 25 qyrkúıek kúni Ý.Gromova kóshesi boıyndaǵy aýlalardyń birinde boldy.

2012 jyly týǵan bala abaısyzda qulap ketip, temir trenajerdiń biriniń symyna oralyp qalǵan.

Ol tunshyǵý dıagnozymen qalalyq kópbeıindi aýrýhanaǵa jatqyzyldy.

BQO Densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jansaqtaý bóliminde jatqan bala – es-tússiz kúıde. Jaǵdaıy óte aýyr.

Polıtsııa departamenti ata-analarǵa balalaryn qaraýsyz qaldyrmaýdy eskertedi.

Eske salaıyq, budan buryn Oralda 3 jasar qyz besinshi qabattaǵy terezeden qulap ketkenin jazǵan bolatynbyz.


Illıýstratsııalyq foto


Avtor Eljan Eraly
Basty sózder: Aımaq, Oqıǵa, Batys Qazaqstan oblysy,
Joǵary qaraı