Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oralda Toyota baǵanǵa soǵylyp, 20 jastaǵy qyz kóz jumdy

2022 jyldyń 22 mamyr 2022 12:13

ORAL. QazAqparat - Oralda Toyota avtokóligi baǵanǵa soǵylyp, 20 jastaǵy qyz kóz jumdy, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, jantúrshigerlik oqıǵa búgin tańda shamamen saǵat 05.05-te Zachagan kentindegi Jáńgir han kóshesi boıynda boldy.

«Post» aıaldamasy tusynda júrgizýshi avtokólik rýline ıe bola almaı, jarnama qalqany baǵanyna soǵylǵan.

Avtokólikte júrgizýshiden basqa 2002 jylǵy qyz bolǵan.




Olardyń ekeýi de aýrýhanaǵa jetkizilgenimen, qyz esin jııa almastan qaıtys boldy.

Qazirgi kezde QR QK 345-baby 3-bóligine sáıkes sotqa deıingi tergeý amaldary júrgizilýde.

Polıtsııa departamenti júrgizýshilerge jol erejesin saqtap, jyldamdyqty shekten tys arttyrmaý kerektigin eske salady.

BQO TJ departamenti baspasóz qyzmetiniń tolyqtyrǵanyndaı, qutqarýshylar avtokólik ishinde qystyrylyp qalǵan 1993 jylǵy júrgizýshini shyǵarǵan. Oqıǵa ornyna tórt qutqarýshy bir tehnıkamen bardy.

Eske sala keteıik, budan buryn Oralda 25 velosıped urlaǵan turǵyndy áıeli ustap bergenin jazǵan bolatynbyz.





Joǵary qaraı