Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda táýelsizdik jyldary 18 jańa shaǵynaýdan boı kóterdi

2021 jyldyń 30 qarasha 2021 13:43

ORAL. QazAqparat – Oral qalasynda táýelsizdik jyldary 18 jańa shaǵynaýdan boı kóterdi, dep habarlaıdy QazAqparat tilshisi.

Qala ákimi Abat Shynybekovtiń óńirlik kommýnıkatsııalar qyzmeti alańynda ótken brıfıngide málim etkenindeı, qazirgi tańda qala aýmaǵy 720 sharshy kılometrdi quraıdy. Qala quramynda Zachagan, Krýgloozernyı, Derkól kenttik okrýgteri, sondaı-aq Jelaev selolyq okrýgi bar.

Qala ákiminiń sózine qaraǵanda, otyz jyl ishinde Zachagan kentinde Sarytaý, Jaqsy aýyl, Keń dala, Bolashaq, Arman, Kóktem, Balaýsa, Derkól kentinde Kókjıek, Saryarqa shaǵynaýdandary, qalanyń ózinde Qonaev, Qadyr Myrza Álı, Astana, Jańa Orda, Báıterek, Jeńis, soltústik-shyǵys, Eski aeroport, Juldyz shaǵynaýdandary quryldy.

1991 jyly qala halqynyń sany 238 myń adam bolsa, bıyl 322 myńǵa jetip, 35 paıyzǵa ósti.

«Qalanyń ónerkásip óndirisiniń kólemi táýelsizdik jyldary 264,8 mln teńgeden 183,8 mlrd teńgege deıin ulǵaıdy. Negizgi kapıtalǵa salynǵan ınvestıtsııalar kólemi 112 mln teńgeden 107,5 mlrd teńgege deıin kóbeıdi. Aýyl sharýashylyǵy jalpy óniminiń kólemi 1994 jyly 360,7 mln teńge bolǵan. Qazir bul kórsetkish 10,5 mlrd teńgege deıin jetip, 29,3 esege artty. Jalpy, shahardyń bıýdjeti 1998 jyly 722 mln teńge bolsa, 2021 jyly 42,9 mlrd teńgeni qurady. Qalanyń damý bıýdjeti -19 mlrd teńge, ósim 1998 jylmen salystyrǵanda -24,5 ese», dedi A.Shynybekov.

Eske sala keteıik, budan buryn Batys Qazaqstanda 464 mlrd teńgege segiz jańa joba iske qosylǵanyn jazǵan bolatynbyz.




Avtor Eljan Eraly
Basty sózder: Qurylys, Batys Qazaqstan oblysy,
Joǵary qaraı