Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda polıtsııa qyzmetkeri mas kúıinde jol apatyna ushyrady

2021 jyldyń 14 maýsym 2021 17:51

ORAL. QazAqparat – Oralda polıtsııa qyzmetkeri mas kúıinde jol apatyna ushyrady, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 13 maýsym kúni saǵat 02.39-da M.Sholohov pen Ǵ.Qurmanǵalıev kósheleriniń qıylysynda boldy.

Abaı polıtsııa bólimi jergilikti polıtsııa qyzmeti bóliminiń bastyǵy «Folksvagen Passat» kóligimen araqashyqtyqty saqtamaı, alda ketip bara jatqan, 33 jastaǵy áıel júrgizgen «Aýdı A4» avtokóligimen soqtyǵysýǵa jol bergen.

«Eki júrgizýshi de medıtsınalyq kýálandyrýǵa jiberildi. Saraptama qorytyndysyna sáıkes júrgizýshi áıel aıyq, polıtsııa qyzmetkeri jeńil dárejeli mas kúıinde bolǵan», dedi B.Belgibekov.

B.Belgibekovtiń sózine qaraǵanda, polıtsııa qyzmetkeri 12 maýsym kúni keshkisin úıinde azdaǵan mólsherde spırttik ishimdik ishkenin, sosyn uıyqtaýǵa jatqanyn aıtqan. Biraq saǵat 02.15-te jumysqa shaqyrtqannan keıin avtokólik rýline otyrǵan.

«Polıtsııa qyzmetkerin shynynda da jumysqa shaqyrtqany anyqtaldy. Qazirgi kezde oǵan qatysty qyzmettik tekserý júrgizilýde. Sonyń qorytyndysyna sáıkes eń qatań shara alynatyn bolady», dedi B.Belgibekov.

Eske sala keteıik, budan buryn Oralda avtokóliktiń áıel adamdy qaǵyp ketkenin jazǵan bolatynbyz.




Joǵary qaraı