Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda JaiyqFilmFest halyqaralyq kınofestıvali ótip jatyr

2021 jyldyń 18 qyrkúıek 2021 10:33

ORAL. QazAqparat - Oral qalasynda JaiyqFilmFest halyqaralyq qysqametrajdy jáne derekti fılmder kınofestıvali ótip jatyr, dep habarlaıdy QazAqparat.

Kınofestıval QR Táýelsizdiginiń 30 jyldyǵy aıasynda jáne «Qala kúni» merekesine oraı uıymdastyrylǵan.







Festıvalǵa qatysý úshin álemniń túpkir túpkirinen 100den asa ótinim kelip túsken. Sonyń ishinen 9 memleketten 31 fılm ádilqazylar alqasyna usynyldy.

Qazylar alqasynyń quramynda Merýet Ótekeshova, Samal Eslıamova, Altynaı Nógerbek, Erlan Nurmuhambet, Jeńishan Momyshev, Talǵat Taıshanov, Aıgýl Cherendına, Aslanbek Gýbashev syndy kıno áleminiń maıtalmandary bar.










Sondaı-aq festıval aıasynda jas kıno súıer qaýym úshin Darıǵa Badykova men Ramazan Amantaıdyń sheberlik sabaqtary ótkizildi.

«Aktermen birge» festıval aıasynda «Anaǵa aparar jol» kınokartınasyn kópshilik fılmde basty róldi somdaǵan Altynaı Nógerbekpen birge kórdi.

Sonymen qatar, festıvaldiń ashylý saltanatynda Sh.Aımanov atyndaǵy «Qazaqfılm» AQ men Tokyo New Cinema túsirgen, «Konokrady. Ýaqyt joldary» fılminiń tusaýkeseri ótti.

Fılmniń rejısserleri - Erlan Nurmuhambetov (Qazaqstan) jáne Lıza Takeba (Japonııa). Foto rejısseri: Azız Jambakıev (Qazaqstan).

Rólderde: Dýlyǵa Aqmolda (Qazaqstan), Samal Eslıamova (Qazaqstan), Mıraı Morııama (Japonııa), Madı Mınaıdarov (Qazaqstan) jáne t.b.

Fılm osyǵan deıin 2019 jyly 24-shi Pýsan halyqaralyq kınofestıvaliniń ashylý saltanatynda kórsetilgen.

- Jastar fılmdi erekshe túsiredi. Olar kınosyz ómir súre almaıdy. Kózqarastary da basqa. Maǵan teatr da, kıno da jaqyn. Kıno – ǵajaıyp álem. Qazir bilimdi, talantty jastarymyzdyń fılm túsirýine múmkindik mol. Osy kınofestıval rejısserlar men ártister úshin úlken tájirıbe bolatynyna senemin,- deıdi «Qurmet», «Parasat» ordenderiniń ıegeri Merýert Qarataıqyzy.

– Birinshiden, mundaı festıvalder kóbine Almaty, Nur-Sultan sııaqty megopolısterde ǵana uıymdastyrylyp keledi. Al shaǵyn qalalarda ótpeıdi. Máselen, Kann kınofestıvalin uıymdastyrý arqyly Frantsııanyń osy qalasy dúnıejúzine tanymal boldy. Halqy ne bary 74 myń adam. ıAǵnı, turǵyndary bizdiń Oraldan 5 esege az. Kann osy bir ǵana festıval arqyly irgesindegi Nıtstsa, Monte-Karlo qalalarynyń da týrıstik-ekonomıkalyq áleýetiniń damýyna serpin berdi. Bizdiń maqsat Oralda týrızmdi damytýǵa úles qosý. Árıne, birden bola qoımas. Desek te, Oral – óte ádemi qala. Kıno túsirýshiler úshin kamera nysanyna alatyn obektiler jeterlik. Osy oraıda HІH, HH ǵasyrdan saqtalǵan arhıtektýralyq eskertkishterdi tanystyrsaq deımiz. Budan bólek, Oraldan eksklıýzıvti ónerimen tanylǵan daryndar men talanttar az emes. Osy festıval endi kıno salasyndaǵy jańa tolqynnyń shyǵýyna sep bolady degen senim bar, – deıdi festıval dırektory Alpamys Sharımov.









Joǵary qaraı