Aýa raıy
Astana 10 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Oralda iz-túzsiz joǵalyp ketken 54 jastaǵy er adam 8 kúnnen beri tabylmaı jatyr

2020 jyldyń 18 qyrkúıek 2020 12:17

ORAL. QazAqparat – Oralda iz-túzsiz joǵalyp ketken 54 jastaǵy er adam 8 kúnnen beri tabylmaı jatyr, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, Madııar Bısenǵalıev 10 qyrkúıek kúni saǵat 13.00-de «Toıota Avensıs» avtokóligimen úıinen shyǵyp ketkennen oralmaǵan.

«Qus fabrıkasy» aýdanynda Atameken kóshesi 93-úıde turatyn M.Bısenǵalıevtiń boıy 170-175 santımetr, basyna qońyr kepki, ústine sholaq jeń aq kóılek, aqshyl tústi djınsy, aıaǵyna qara týflı kıgen. Ózimen birge avtokólik qujattary salynǵan qara barsetkasy, «Samsýng» telefony (nómirleri: 8-701-839-40-01, 8-777-659-06-82) bolǵan.

Erekshe belgileri joq.

Bul oqıǵa boıynsha Oral qalasy polıtsııa basqarmasy tergeý amaldaryn júrgizýde.

Eske sala keteıik, budan buryn Oralda 16 jasar qyzdyń tórtinshi qabattan sekirip, aman qalǵanyn jazǵan bolatynbyz.




Avtor Eljan Eraly
Basty sózder: Batys Qazaqstan oblysy, Oqıǵa, Qoǵam,
Joǵary qaraı