Aýa raıy
Astana -3 °S
Almaty 3 °S
valıýta baǵamy
USD 421.58
EUR 496.83
RUB 5.53
CNY 62.20

Oralda eki adamǵa burysh ballonyn shashqan turǵyn ustaldy

2020 jyldyń 14 qyrkúıek 2020 22:18

ORAL. QazAqparat – Oralda eki adamǵa burysh ballonyn shashqan turǵyn ustaldy, dep habarlaıdy QazAqparat tilshisi.

BQO densaýlyq saqtaý basqarmasynan túsken málimetke qaraǵanda, oqıǵa keshe keshkisin oryn aldy.

Belgisiz bireý serýendep júrgen 12 jasar qyzdyń jáne 19 jastaǵy jigittiń kózine burysh ballonyn shashyp ketken. Bulardyń ekeýi de kózinen kúıik jaraqatyn alyp, oblystyq kópbeıindi aýrýhananyń bet-jaq hırýrgııasy bólimshesine jetkizildi.

BQO polıtsııa departamentiniń baspasóz qyzmeti oqıǵanyń Han toǵaıynda bolǵanyn jetkizdi.

Burysh ballonyn shashqan er adam qolǵa tústi.

Qazirgi kezde QR QK 293-baby 1-bóligine (buzaqylyq) sáıkes qylmystyq is qozǵaldy. Abaı polıtsııa bólimi sotqa deıingi tergeý amaldaryn júrgizýde.

Bul bap boıynsha aıypty dep tanylǵan adam eki myń aılyq eseptik kórsetkishke deıingi mólsherde aıyppul salýǵa ne sol mólsherde túzeý júmystaryna ne alty júz saǵatqa deıingi merzimge qoǵamdyq jumystarǵa tartýǵa ne eki jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.

Eske sala keteıik, budan buryn Oralda eki emhanaǵa jańa jedel járdem kólikteri tabys etilgenin jazǵan bolatynbyz.


Avtor Eljan Eraly
Basty sózder: Oqıǵa, Batys Qazaqstan oblysy, Zań,
Joǵary qaraı