Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Oralda avtobýs júrgizýshileri esirtkige eltigen kúıde rýlge otyrǵan

2021 jyldyń 24 qańtar 2021 05:30

ORAL. QazAqparat – Oralda avtobýs júrgizýshileri esirtkige eltigen kúıde rýlge otyrǵan, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 21 qańtar kúni boldy.

Jedel aldyn alý sharalary barysynda Oral qalasy polıtsııa basqarmasy patrýldik polıtsııa batalonynyń ınspektory túski saǵat 14.00 shamasynda Samal kóshesinde GAZ markaly marshrýttyq avtobýsty kidirtti. Onyń rýlinde otyrǵan 1979 jylǵy L. degen júrgizýshi esirtkige eltigen kúıinde bolǵan.

Sol kúni shamamen saǵat 15.30-da Qurmanǵazy kóshesinde taǵy bir osyndaı avtobýs toqtatyldy. Ony aıdap kele jatqan 1978 jylǵy Ch. degen júrgizýshi de esirtkige mas kúıinde bolǵan.

Qos avtobýs ta arnaıy turaqqa qoıyldy.

Eki júrgizýshige qatysty QR Ákimshilik quqyqbuzýshylyq kodeksi 608-baby 1-bóligine qatysty is qozǵalyp, Oral qalasy mamandandyrylǵan ákimshilik sotyna joldandy.

Atalǵan júrgizýshiler 7 jylǵa deıin kólik quralyn basqarý quqyǵynan aıyrylyp, oǵan qosa 15 táýlikke ákimshilik qamaqqa alynýy múmkin.


Avtor Eljan Eraly
Basty sózder: Oqıǵa, Batys Qazaqstan oblysy, Kólik,
Joǵary qaraı