Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda 43 jastaǵy er adam ózine-ózi pyshaq salǵan

2021 jyldyń 21 qyrkúıek 2021 22:18

ORAL. QazAqparat - Oralda polıtseıler ózine-ózi pyshaq salǵan 43 jastaǵy er adamdy qutqardy, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Belgibekovtiń málim etkenindeı, oqıǵa 21 qyrkúıek kúni qalaǵa qarasty Derkól kentinde boldy.

Birge araq ishý barysynda otbasylyq janjal sýıtsıdke ulasa jazdaǵan. 43 jastaǵy er adam mas kúıinde ishine birneshe ret pyshaq suqqan.

Shaqyrtýmen Oral qalasy polıtsııa basqarmasy patrýldik polıtsııa batalonynyń qyzmetkerleri, aǵa ınspektor, polıtsııa aǵa leıtenanty Qaırat Dlımov pen ınspektor, polıtsııa leıtenanty Djohar Ertaev der kezinde kelip jetken.

Er adam kórshi úıdiń aýlasynda pyshaqty júrek tusyna ustaǵan kúıinde turǵan. Polıtseıler onymen sóılesip, sabyrǵa shaqyrǵan. Áńgimemen alańdatyp, pyshaqty alyp úlgergen.

Tártip saqshylarynyń jedel áreketi arqasynda er adam tiri qaldy. Ol aýrýhanaǵa jetkizildi.

Qazirgi kezde oqıǵanyń jaı-japsary anyqtalý ústinde.


Eske sala keteıik, budan buryn Oralda polıtseılerdiń velosıped mingen er adamdy qaǵyp, qashyp ketken júrgizýshini ustaǵanyn jazǵan bolatynbyz.


Joǵary qaraı