Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda 3 jasar qyz besinshi qabattyń terezesinen qulap kete jazdady

2021 jyldyń 24 qyrkúıek 2021 00:53

ORAL. QazAqparat - Oralda 3 jasar qyz besinshi qabat terezesinen qulap kete jazdady, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 23 qyrkúıek kúni shamamen saǵat 12.55-te Ý.Gromova kóshesindegi bes qabatty úıde boldy.

Besinshi qabat terezesinen 3 jasar qyzdy kórgen turǵyndar 102 telefonyna habarlaǵan.

Oqıǵa ornyna tez jetken ýchaskelik polıtsııa ınspektory, polıtsııa kapıtany Aqylbek Aıtqojın qutqarýshylar kelgenshe esik arqyly búldirshindi áńgimege tartyp, terezeden qulaýǵa jol bermegen.

TJD qyzmetkerleri esikti ashyp, ishke kirip, anasynyń kelýin kútken.

Qyzdyń anasynyń sózine qaraǵanda, ol tús kezinde eki úlken balasyn mektepke aparý úshin uıyqtap jatqan qyzyn syrtynan kilttep, ketip qalǵan.

Jarty saǵattaı ýaqyt ishinde uıqydan oıanǵan qyz basyn terezeden shyǵaryp turǵan. Ony kórgen kórshiler polıtsııaǵa habar bergen.

Qyzdyń anasy der kezinde jetip, qolushyn bergeni úshin polıtseı men qutqarýshylarǵa alǵysyn bildirdi.

BQO TJ departamentiniń baspasóz qyzmeti oqıǵany rastap, saǵat 13.02-de kishkentaı qyzdy qutqarýǵa jedel qutqarý jasaǵynan 4 qyzmetker, 1 tehnıkanyń qatysqanyn jetkizdi.

Eske sala keteıik, budan buryn Oralda tórtinshi qabattan qulaǵan qyz balanyń jaǵdaıy óte aýyr ekenin jazǵan bolatynbyz.

Sondaı-aq Oralda 28 jastaǵy kelinshek jańa týǵan sábıin satyp jibergen.


Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı