Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oralda 200-den astam sarbaz áskerı ant qabyldady

2022 jyldyń 16 qańtar 2022 18:39

ORAL. QazAqparat – Oralda 5517-áskerı bólimine jańadan kelgen 200-den astam sarbaz áskerı ant qabyldady, dep habarlaıdy QazAqparat tilshisi.

QR Ulttyq ulany «Batys» óńirlik qolbasshylyǵy baspasóz qyzmetiniń jetekshisi, podpolkovnık Erbolat Sultanovtyń málim etkenindeı, atalmysh bólimge Almaty, Aqtóbe, Túrkistan, Mańǵystaý, Qaraǵandy, Atyraý jáne Batys Qazaqstan oblystarynan áskerge shaqyrylǵandar kelgen bolatyn.

Saltanatty ant berý rásimi epıdemıologııalyq ahýalǵa baılanysty karantındik talaptardy qatań saqtaı otyryp ótkizildi. Jaýyngerlerdiń ata-analary men jaqyn-týystary úshin tikeleı onlaın baılanys uıymdastyryldy.

Jańadan kelgender bir aı boıy saptyq, dene jáne atys daıyndyǵynan ótip, áskerı jarǵyny oqyp-úırendi.

Saltanatty is-sharada «Batys» óńirlik qolbasshysy, general- maıor Arman Jumaǵalıev, qolbasshynyń tárbıe jáne áleýmettik-quqyqtyq jumystar jónindegi orynbasary,

polkovnık Baqyt Alazov, 5517-áskerı bóliminiń komandıri, podpolkovnık Saǵyndyq Alqaıqarov jáne basqalar sóz alyp, jas sarbazdardy áskerı ant qabyldaýymen quttyqtap, aldaǵy qyzmetterine sáttilik tiledi.




«Búgin – ant qabyldaǵan sarbazdar úshin erekshe este qalatyn kún. Saltanatty túrde ant qabyldaý – mańyzdy áskerı rásimderdiń biri. Tek sodan keıin ǵana jańadan kelgen jas áskerı qyzmetshi atanady. Áskerı antqa adal bolý aıryqsha jaýapkershilikti júkteıdi», dedi S.Alqaıdarov.

Atyraýdan áskerı boryshyn óteýge kelgen Ernar Lııas jas sarbazdar atynan ózderine júktelgen senimdi aqtaıtynyn bildirdi.

«Bir aıdyń ishinde biz biraz nársege úırenip qaldyq. Ásker – er adamdy shyńdaıtyn jaqsy mektep. Búgin ant qabyldap, jaýapkershilikti sezine tústik. Meniń súıgen qyzym bar, onyń meni kútetinine senimdimin», dedi Qaraǵandy oblysynan kelgen Sergeı Sınıakov.

Eske sala keteıik, budan buryn Aqtóbede antqa adaldyq tanytqan áskerıdiń áreketi jurtty tánti etkenin jazǵan bolatynbyz.









Joǵary qaraı