Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oralda 2 kólik soqtyǵysyp, eki adam jaraqat aldy

2021 jyldyń 16 qazan 2021 00:02

ORAL. QazAqparat – Oralda 2 kólik soqtyǵysyp, eki adam jaraqat aldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 15 qazan kúni saǵat 12.30-13.30 aralyǵynda Syrym Datuly kóshesi boıynda boldy.

«Tamasha» meıramhanasy mańynda 45 jastaǵy júrgizýshi «VAZ-2113» avtokóligimen burylý kezinde qarsy bette 34 jastaǵy júrgizýshi aıdap kele jatqan «Shkoda» avtokóligimen túıisýge jol bergen.

Saldarynan «Shkoda» joldan shyǵyp ketip, sham ornatylǵan baǵandy túıgen.

Medıtsınalyq kýálandyrýǵa sáıkes eki júrgizýshi de ishimdik ishpegen.

«VAZ-2113» avtokóligindegi 1994 jylǵy jáne «Shkoda» kóligindegi 1992 jylǵy áıelder jaraqat aldy.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jedel járdem saǵat 12.54-te shaqyryldy. Brıgada 5 mınýttan keıin jetti.

Aldyn ala málimet boıynsha 27 jáne 29 jastaǵy áıelder jabyq bas-mı jaraqatyn alyp, mılary shaıqalǵan. 29 jastaǵy áıeldiń muryn súıegi synǵan. Ekeýi de oblystyq kópbeıindi aýrýhanaǵa jetkizildi.

Eske sala keteıik, budan buryn Oralda velosıped mingen adamdy kólik qaǵyp, mert qylǵanyn jazǵan bolatynbyz.


















Avtor Eljan Eraly
Basty sózder: Batys Qazaqstan oblysy, Oqıǵa,
Joǵary qaraı