Oral turǵyny ózge elden avtokólik aıdap kelemin dep 2 mln teńge jymqyrǵan
ORAL. QazAqparat – Oral turǵyny ózge elden avtokólik aıdap ákelip beremin dep 2 mln astam teńge jymqyrǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, 21 jastaǵy K. turǵyndarǵa basqa memleket aýmaǵynan avtokólik aıdap kelemin dep ýáde berip, sýretin áleýmettik jelilerge salǵan.
Ózderine unaǵan avtokólikti alýdy tezdetý úshin aldyn ala aqy suraǵan. Oǵan qosa kólik quraldaryn jóndeýge de óz qyzmetin usynǵan.
Osylaısha alaıaq Oral qalasy turǵyndarynyń 2 mln astam teńgesin ıemdenip ketken.
Polıtsııa qyzmetkerleriniń jedel is-qımyly nátıjesinde kúdikti anyqtalyp, qazir ol qamaýda otyr.
Jábirlenýshilerge shyǵyndary óndirildi.
Eske sala keteıik, budan buryn Oralda tirkelmegen dinı birlestiktiń zańsyz qyzmeti áshkerelengenin, jańadan qabyldanǵan tártip saqshylarynyń ant bergenin jazǵan bolatynbyz.
