Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oral turǵyny arzan kólik satyp alam dep 400 myń teńgesinen aıyryldy

2021 jyldyń 25 qyrkúıek 2021 16:48

ORAL. QazAqparat - Oral qalasynyń turǵyny avtokólik alamyn dep, 418 myń teńgesinen aıyryldy, dep habarlaıdy QazAqparat tilshisi.

BQO polıtsııa departamentiniń resmı ókili Bolatbek Belgibekovtiń málim etkenindeı, oblys aýmaǵynda ınternet alaıaqtyq derekteri kóbeıip ketti.

Ásirese, Reseıdegi alaıaqtar kolesa.kz saıtynda avtokólikterdi naryqtaǵydan tómen baǵamen satý týraly habarlandyrý taratýda.

23 qyrkúıek kúni belgisiz adam atalǵan saıt arqyly «Toıota Kamrı 40» avtokóligin 418 myń teńgege satý týraly habarlandyrý ornalastyrǵan.

Buǵan sengen oraldyq turǵyn alaıaqpen WhatsApp arqyly baılanysqa shyqqan. Alaıaq QR aýmaǵynda tirkelmegen abonenttik nómirdi paıdalanǵan.

Sodan keıin uzaq áńgimelesý arqyly avtokólikti Reseıden alyp kelemin degen jeleýmen oraldyq turǵynnyń senimine kirgen belgisiz adam onyń 418 myń teńgesin ıemdenip ketken.

Osyǵan oraı BQO polıtsııa departamenti alaıaqtardyń sózine senip, aldanyp qalmaý, saq bolý kerektigin turǵyndar esine salady.

Eske sala keteıik, budan buryn BQO-da turǵynnyń mas kúıinde «polıtseı kóligin» urlap ketkenin jazǵan bolatynbyz.


Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı