Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Oral qalasynda synapqa uqsas belgisiz zat tabyldy

2021 jyldyń 11 maýsym 2021 18:58

ORAL. QazAqparat – Oral qalasynda synapqa uqsas belgisiz zat tabyldy, dep habarlaıdy QazAqparat tilshisi.

Oral qalasy ákimdigi málim etkenindeı, oqıǵa 2 maýsym kúni Jeltaýdaǵy (Svıstýn gora) qalalyq zırat aýmaǵynda boldy.

Qalalyq zırat aýmaǵynda salmaǵy 1 kelideı belgisiz zattyń kómilgeni anyqtaldy. Aldyn ala málimet boıynsha almurt pishindes ydysta (konteınerde) ýlylyǵy joǵary synap bolǵan.

«BQO TJ departamenti tabylǵan jerdi hımııalyq óńdeýden ótkizdi. Sanıtarlyq-epıdemıologııalyq stansa qyzmetkerleri synap býynyń aýadaǵy bólinýin ólshep, onyń qalypty mólsherden aspaǵanyn anyqtady. ıAǵnı adamdar ómirine qaýip joq. Tabylǵan ydys (konteıner) joıylǵanǵa deıin ýaqytsha saqtaý úshin BQO ekologııa departamentine berildi. Tótenshe jaǵdaılar jónindegi komıssııanyń 3 maýsymdaǵy kezekten tys otyrysynyń sheshimimen jergilikti jaǵdaıdaǵy tótenshe jaǵdaı jarııalandy. Bul tabylǵan zatty tasymaldaý jáne joıý baǵytynda sharalar qabyldaý úshin tıisti is-shara bolyp tabylady», dep habarlady vedomstvodan.


Avtor Eljan Eraly
Basty sózder: Batys Qazaqstan oblysy, Oqıǵa, Qoǵam,
Joǵary qaraı