Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Oral arqyly ótetin úsh avtojol aqyly bolady

2020 jyldyń 26 qarasha 2020 09:13

ORAL. QazAqparat - Oral-Aqtóbe jolynda jáne Oral-Samara, Oral-Saratov joldarynyń qazaqstandyq ýchaskelerinde pılottyq rejımde 3 baqylaý arkasy jáne klıenttermen jumys isteıtin ortalyq ornatyldy, dep habarlaıdy QazAqparat «QazAvtoJol» ulttyq kompanııasyna silteme jasap.

Batys Qazaqstan oblysynyń Oral qalasy men Terekti aýdanynda aqyly avtojol jelisin keńeıtý máseleleri boıynsha qoǵamdyq tyńdaý ótti.

Aqyly avtojoldardyń taqyryby BQO úshin ózekti. Reseıdiń Samara jáne Saratov baǵytyndaǵy halyqaralyq mańyzy bar eki tas jol, sondaı-aq Oral men Aqtóbeni baılanystyratyn joldan aqy alynatyn bolady. Aıta ketý kerek, jol júrý aqysy tek kommertsııalyq júk kólikterinen alynady, jeńil kólikterge tegin.

Úsh avtotrassada jol qozǵalysy qaýipsizdiginiń joǵary deńgeıin jáne jolǵa, onyń jabynyna, ınfraqurylymǵa turaqty qyzmet kórsetýdi qamtamasyz etýge múmkindik beretin baǵdarlamalyq-apparattyq keshen testilik rejımde iske qosylady.

«QazAvtoJol» UK» AQ ókilderi Oral qalasy men Terekti aýdanynda ótken qoǵamdyq tyńdaýlarda qaýipsizdikti qamtamasyz etýdiń jańa júıesiniń barlyq jańalyqtary men jumys qaǵıdattary týraly túsindirip berdi.





Mamandar aqyly jol ýchaskeleri qaýipsiz, únemi jóndeletinin jáne jol tósemi men jol boıyndaǵy servıstik qyzmeti ózge joldarǵa qaraǵanda sapaly ekenin atap ótti.

Atalmysh joldardaǵy arkalarda joǵary jyldamdyqty kamera arqyly avtomobılderdiń jyldamdyǵy men sany, joldaǵy jaǵdaı jáne t. b. tirkeledi.

Jolda turaqty tólem beketi bolmaıdy, onyń ornyna yńǵaıly «ashyq» tólem júıesi qoldanylady. Kedergi qoıylmaǵandyqtan, jol boıynda keptelister bolmaıdy, bul qosymsha qaýipsizdikti qamtamasyz etedi jáne sapar ýaqytyn qysqartady.

Jol júrý aqysy qolma-qol aqshasyz tásilmen jáne aldyn ala tólem boıynsha júrgiziledi.

Batys Qazaqstan óńirindegi 3 kúre jolda júrý aqysy tek kommertsııalyq júk kólikterinen alynatyn bolady. Jınalǵan qarajat joldyń ózin-ózi qarjylandyrýyn ǵana emes, sonymen qatar joldaǵy qaýipsizdiktiń joǵary deńgeıin ustap turatyn óziniń servıs kórsetý qyzmetin de qamtamasyz etedi.





Aıta ketsek, aqyly joldar aımaqtyń kóptegen turǵyndaryn turaqty jumyspen qamtamasyz etedi. Sebebi qaýipsizdik pen beınetirkeý júıelerin ornatý jáne qyzmet kórsetý, sondaı-aq patrýldeý, jol jabyny men jol boıyndaǵy ınfraqurylymdy tazalaý jáne kútýge qyzmetkerler aqyly jol ashylǵan qala, aýdan aýmaǵynan ǵana alynady.














Basty sózder: Batys Qazaqstan oblysy, Jol,
Joǵary qaraı