Aýa raıy
Astana 12 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Ońtústik Koreıada tolassyz jaýǵan nóser jańbyrdan alty adam qaza tapty

2020 jyldyń 3 tamyz 2020 16:40

SEÝL. QazAqparat – Dúısenbi kúni Ońtústik Koreıanyń ortalyq aýdandary men Seýlda tolassyz nóser jańbyr jaýyp, úıler men joldardy sý basty. Bılik jaǵalaý maǵyndaǵy jáne taýly aýdandardy jabýǵa májbúr bolyp otyr. Bul týraly QazAqparat Renhap agenttigine silteme jasap habarlaıdy.

Kanvondo taýly provıntsııasyndaǵy Chhýnchhon qalasynda, sondaı-aq Kenggı provıntsııasy aýmaǵyna saǵatyna 100 mm jańbyr jaýǵan.





Seýlde ońtústiktegi Kannam aýdanynda jolda eni 2 metr jáne tereńdigi 1,5 metrlik shuńqyr paıda bolǵan. Bılik joldy qalpyna keltirip jatyr. Seýldiń taǵy bir aýdanynda bılik sý basqan úılerdiń sýyn sorǵyzyp, daýyl kezinde qulaǵan aǵashtardy alyp tastady.

Han ózeniniń boıyndaǵy kóptegen saıabaqtarǵa kirýge tyıym salyndy, sebebi ózendegi sýdyń deńgeıi birden kóterilgen. Budan bólek, bılik qaıǵyly oqıǵalardyń aldyn alý maqsatynda taýly aımaqtarǵa barýǵa shekteý saldy.





Tótenshe jaǵdaılar jónindegi ortalyq agenttiktiń málimetinshe, qatty jaýyn-shashyn saldarynan alty adam qaza taýyp, segizi iz-túzsiz joǵalyp ketken. Kem degende 190 úı zaqymdalyp, 818 adam óz úılerin tastap ketýge májbúr bolǵan.

Ońtústik Koreıa prezıdenti Mýn Chje In osy jaǵdaıǵa baılanysty josparlanǵan jazǵy demalysynan bas tartty.





Basty sózder: Álem,
Joǵary qaraı