Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Onomastıka: Aqmola oblysynda 30-dan astam eldi mekenniń ataýy ózgertilgen

2021 jyldyń 15 qazan 2021 19:21

KÓKShETAÝ. QazAqparat - Kókshetaýda aýdandyq jáne qalalyq mádenıet jáne tilderdi damytý bólimderiniń basshylary men osy salaǵa jaýapty mamandardyń qatysýymen ádistemelik semınar ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Jıynda Aqmola oblysynyń ulttyq toponımııasy týraly zertteýler barysynda anyqtalǵan bastapqy tarıhı-geografııalyq ataýlaryn qalpyna keltire otyryp, eldi mekenderdi qaıta ataý máseleleri talqylandy.

Semınardy ashqan oblystyq ishki saıasat basqarmasy basshysynyń orynbasary Gúlmıra Kárimova sońǵy 3 jylda osy salada atqarylǵan jumystardyń qorytyndylaryna qysqasha toqtaldy.

«Bizdiń oblysta onomastıka salasynda birqatar jumystar júrgizilýde. 2018-2020 jyldary 1000-ǵa jýyq kóshe men 30-dan astam eldi meken ataýy ózgertildi, kóptegen nysandarǵa tanymal tulǵalardyń esimderi berildi», - dep atap ótti Gúlmıra Kárimova.

Basqarma basshysy orynbasarynyń aıtýynsha, Aqmola oblysynyń ishki saıasat basqarmasy eki jyl boıy zertteý jumystaryn júrgizýge qarajat bólip keledi. L.Gýmılev atyndaǵy Eýrazııa Ulttyq ýnıversıtetiniń arheologııa jáne etnologııa fakýltetiniń professory Jambyl Artyqbaev jáne QR Ulttyq mýzeıiniń qyzmetkeri Irına Bekzatqyzynyń ǵylymı izdenisteriniń arqasynda 120-dan astam eldi mekenniń tarıhı ataýlary tabylyp, ol muraǵat qujattarymen rastalady.

Semınarda tilderdi damytý jáne onomastıka bóliminiń basshysy Aıgúl Talpaqova qatysýshylardyń nazaryn onomastıkalyq jumystardy uıymdastyrýda talaptardy saqtaý qajettigine aýdarsa, osy bólimniń bas mamany Ásem Jumaǵulova eldi mekender men onyń quramdas bólikteriniń ataýlaryn ózgertýge qatysty qujattardy resimdeý tártibine toqtaldy.

«Ataýyn ózgertý máselesi óte mańyzdy, ol sypaıylyq pen oılanýshylyqty talap etedi. Munda tek quqyqtyq salada áreket etý kerek, arnaıy normalar, erejeler bar, olar arqyly eldi mekenderdiń tarıhı ataýlaryn ózgertýge bolady», - dep túıindedi ishki saıasat basqarmasy basshysynyń orynbasary.


Avtor Aslan Ospanov
Basty sózder: Aqmola oblysy, Kólik, Qoǵam,
Joǵary qaraı