Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Onlaın sanaqtan ótkendar sany 3 mln adamnan asty

2021 jyldyń 15 qyrkúıek 2021 16:50

NUR-SULTAN. QazAqparat –Eki aptada Halyq sanaǵynyń onlaın kezeńine qatysqandardyń sany 3 mln adamnan asty, dep habarlaıdy QazAqparat tilshisi.

Bul týraly Ulttyq statıstıka bıýrosynyń basshysy Nurbolat Aıdapkelov ortalyq kommýnıkatsııalar qyzmetinde ótken bıfıngide málim etti.

«Halyq sanaǵy bastalǵan kúnnen bastap eki apta ótti. Ózderińiz biletindeı, qazirgi ýaqytta ol tek onlaın rejımde ótip jatyr. Sanaq suraqtaryna jaýap berýdi birneshe tásili bar. Bul - arnaıy Sanaq.gov.kz saıtyn, eGov portalynda avtorzatsııalaný arqyly, Aitu mobıldik qosymshasyn paıdalaný múmkindigi bar.

Búgingi saǵat 14.00-degi jaǵdaı boıynsha, sanaqtan 3 mln 24 myń azamat ótti», - dedi bıýro basshysy.

Eske salsaq, ótken aptada Qazaqstan boıynsha 3 myńnan astam sanaq buryshy ashylǵan.

«Barlyq Halyqqa qyzmet kórsetý ortalyǵynda, iri saýda oryndarynda, Qazposhta bólimshelerinde halyq sanaǵynan onlaın ótýge arnalǵan buryshtar uıymdastyrdyq. Olarda arnaýly keńesshiler jumys istep jatyr. Turǵyndar tarapynan belsendilik baıqalady. Biz óz tarapymyzdan halyqqa barlyq jaǵdaı jasaýymyz kerek. Alǵash ret tsıfrlyq formatta ótip jatqannan keıin arnaýly saıt jasadyq. Onyń jumysy jaqsy júrip jatyr. Halyq tarapynan ynta joǵary. Al sanaqtan onlaın ótýge múmkindigi joq azamattarǵa osyndaı burysh uıymdastyrdyq. Búkil elimiz boıynsha osyndaı 3 myńnan astam burysh uıymdastyryldy», - degen bolatyn Nurbolat Aıdapkelov.


Avtor Esimjan Naqtybaı
Basty sózder: Statıstıka, Halyq sanaǵy,
Joǵary qaraı