Aýa raıy
Astana -11 °S
Almaty -2 °S
valıýta baǵamy
USD 421.58
EUR 496.83
RUB 5.53
CNY 62.20

Óńirlik ishki saıasat basqarmalarynyń qyzmetkerlerine arnalǵan onlaın semınar bastaldy

2020 jyldyń 27 qazan 2020 19:55

NUR-SULTAN. QazAqparat - Respýblıkanyń barlyq óńirlerinen kelgen ishki saıasat basqarmalarynyń 70-ten astam qyzmetkeri QR Aqparat jáne qoǵamdyq damý mınıstrliginiń azamattyq qoǵam isteri komıteti uıymdastyrǵan bilim-praktıkalyq baǵdarlamasyna qatysýǵa nıet bildirdi.

Semınardyń negizgi maqsaty - kásibı daǵdylardy damytý jáne azamattyq qoǵam salasynda tıimdi yntymaqtastyq mehanızmderin ázirleý.

Semınar baǵdarlamasy 4 kúnge josparlanǵan. Birinshi kún - qoǵammen tıimdi kommýnıkatsııa boıynsha jumysty uıymdastyrýǵa arnalǵan. Spıkerler retinde «Red Point Kazakhstan» Marketıngtik kommýnıkatsııalar servısiniń negizin qalaýshy jáne bas dırektory Ásel Qojaqova jáne QR Aqparat jáne qoǵamdyq damý mınıstrliginiń shtattan tys keńesshisi Lıma Dıas sóz sóıledi.

Qatysýshylar semınardyń memlekettik organ qyzmetkerleriniń kásibı jáne praktıkalyq daǵdylaryn jetildirýde mańyzy bar ekenin atap ótti.

«Bul óte paıdaly aqparattyq semınar boldy. Kommýnıkatsııalar - tek press-relızder men beıneler ǵana emes. Bul kóp qyrly jáne kúrdeli qatynastar júıesi. Bul týraly spıkerler óz sózderinde aıtyp ketti. Mundaı semınarlar tek ishki saıasat basqarmalary úshin ǵana emes, halyqpen ózara qarym - qatynas ornatýy tıis barlyq memlekettik mekemeler úshin de qajet dep sanaımyn», - dedi Qostanaı oblysy ishki saıasat basqarmasy basshysynyń orynbasary Dınara Qarymsaqova.

Budan ári «Azamattyq qoǵam ınstıtýttarymen (estýshi memleket) tıimdi ózara is-áreket», «Konflıktologııa. Áleýmettik janjaldardy sheshý», «Memlekettik arnaıy tapsyrysty qarjylandyrý mehanızmderi jáne ÚEU úshin granttar» taqyryptary qozǵalatyn bolady.

Spıkerler retinde kommýnıkatsııa jáne azamattyq qoǵam salasyndaǵy belgili sarapshylar shaqyryldy. Atap aıtqanda, «Azamattyq qoǵamdy damytý qaýymdastyǵy» ZTB atqarýshy dırektory Djamıla Asanova, Qazaqstannyń Azamattyq alıansynyń prezıdenti Baný Nurǵazıeva, kásibı medıator, konflıktolog Shırın Orazbaeva, «KAMEDA» QQ atqarýshy dırektory Mahabbat Espenova jáne «Azamattyq bastamalardy qoldaý ortalyǵy» KEAQ basqarma tóraıymy Batıma Mýkına shaqyryldy.

Semınarlar ishki saıasat basqarmalarynyń mamandaryna kommýnıkatsııalyq menedjmenttiń, boljaýdyń, ishki saıası turaqtylyqty qamtamasyz etýdiń jáne áleýmettik-saıası janjaldardyń aldyn alýdyń, memleket pen azamattyq qoǵamnyń ózara is-qımylynyń teorııalyq jáne praktıkalyq sharalarymen tanysýǵa múmkindik beredi.

Esterińizge sala keteıik, onlaın-semınar 2020 jyldyń 27-30 qazan aralyǵynda Nur-Sultan, Almaty, Shymkent qalalarynyń jáne oblystardyń óńirlik ishki saıasat basqarmalary qyzmetkerleriniń qatysýymen ótedi.


Joǵary qaraı