Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ónerkásiptik saıasat jónindegi vedomstvoaralyq komıssııaǵa qandaı quziret beriledi

2021 jyldyń 26 aqpan 2021 11:24

NUR-SULTAN. QazAqparat –Jańadan qurylatyn ónerkásiptik saıasat jónindegi vedomstvoaralyq komıssııaǵa birqatar quziret berilmek, dep habarlaıdy QazAqparat tilshisi.

«Ónerkásiptik saıasat jónindegi vedomstvoaralyq komıssııa birqatar quzyretke ıe bolady. Atap aıtqanda, jańa yntalandyrý sharalaryn engizý, qoldanystaǵy yntalandyrý sharalaryn qaıta qaraý jáne joıý týraly Úkimetke usynystar qalyptastyrý mindeti qarastyrylǵan. Sonymen qatar ol komıssııa ındýstrııalyq saıasat boıynsha halyqaralyq uıymdarda kelissózderdi qosa alǵanda, Úkimettiń pozıtsııasyn daıyndaıdy. Ónerkásiptik saıasat máseleleri boıynsha memlekettik organdar arasyndaǵy kelispeýshilikter týraly sheshim qabyldaıdy. Sondaı-aq ónerkásiptik saıasatty iske asyrý týraly esepterdi tyńdaıdy», - dedi Indýstrııa jáne ınfraqurylymdyq damý mınıstri Beıbit Atamqulov Senatta ótip jatqan «QR ónerkásiptik saıasatty zańnamalyq retteý: jaı-kúıi, problemalary jáne sheshý joldary» taqyrybyndaǵy Úkimet saǵatynda.

Sondaı-aq komıssııa ınstıtýtsıonaldyq qoldaý sheńberinde zań jobasy Ónerkásipti damytý qoryn men «Ónerkásip» aqparattyq júıeni qurý men júzege asyrý máselelerin retteıdi.

Aıta ketsek Beıbit Atamqulov Qazaqstanda ónerkásiptik saıasat jónindegi vedomstvoaralyq komıssııa qurylatynyn málim etken edi. Onyń músheleri memlekettik organdar basshylarynyń orynbasarlary, ónerkásiptik kásiporyndardyń ókilderi qoǵam qaıratkerleri, depýtattar jáne basqa da múddeli tulǵalar bolady.


Joǵary qaraı