Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Óndirýshilerdiń múddesin qorǵaıtyn jańa mehanızm ázirlendi - Beıbit Atamqulov

2021 jyldyń 23 qarasha 2021 09:30

NUR-SULTAN. QazAqparat – Otandyq óndirýshilerdiń múddesin qorǵaýǵa baǵyttalǵan jańa mehanızmi daıyndaldy. Bul týraly QR Indýstrııa jáne ınfraqurylymdyq damý mınıstri Beıbit Atamqulov Úkimet otyrysynda málim etti, dep habarlaıdy QazAqparat tilshisi.

«Jergilikti qamtý quralyn qoldanýǵa qatysty tıisti ózgerister engizildi. Halyqaralyq mindettemelerdi eskere otyryp, otandyq óndirýshilerdiń múddelerin qorǵaýǵa baǵyttalǵan 5 jańa mehanızm ázirlendi. «Ónerkásiptik saıasat týraly» zań jobasynda «el ishindegi qundylyq» uǵymy men damý saıasaty kózdelgen. Bul uǵym halyqaralyq arenada tanylǵan (Oman, Túrkııa, Frantsııa elderinde), sondaı-aq Dúnıejúzilik saýda uıymynyń normalaryna sáıkes keledi. Endigi ýaqytta iri jer qoınaýyn paıdalanýshylar el ishindegi qundylyqty damytýdyń jeke baǵdarlamasyn jáne otandyq óndiris taýarlaryn satyp alýǵa kóshý josparyn qabyldaıdy», - dedi Beıbit Atamqulov .

Onyń atıýynsha, mınıstrlik naryq sýbektileriniń barlyq satyp alýlaryna monıtorıng júrgizedi.

«Daıyn ónimdi ótkizý jáne ishki naryqty jańa taýarlarmen tolyqtyrý maqsatynda jer qoınaýyn paıdalanýshylar men ulttyq kompanııalardyń qatysýymen ofteık-kelisimsharttar, ofsettik sharttar paıdalanylady. Bul rette offteık-kelisimsharttar óndiristi oqshaýlaýǵa jáne jańalaryn ashýǵa, al ofsettik sharttar tehnologııalar transferti men ınvestıtsııalar tartýǵa baǵyttalady. Uzaq merzimdi sharttar jumys istep turǵan óndiristerdiń ónimderin ótkizýdi qamtamasyz etedi», - deıdi ol.


Joǵary qaraı