Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

On jyldan asa paıdalanylǵan avtobýstar bastapqy tirkeýden ótkizilmeıdi

2021 jyldyń 21 qańtar 2021 11:42

NUR-SULTAN. QazAqparat – Sońǵy úsh jylda elimizde 45 950 jol-kólik oqıǵasy tirkeldi. Bul týraly Senattyń jalpy otyrysynda depýtat Nurlan Beknazarov málim etti, dep habarlaıdy QazAqparat tilshisi.

Aıta keteıik, jalpy otyrysta «Qazaqstan Respýblıkasynyń keıbir zańnamalyq aktilerine jol júrisi máseleleri boıynsha ózgerister men tolyqtyrý engizý týraly» Zańy eki oqylymda qaralyp, qabyldandy.

Bul qujatty qabyldaý kólik quralynyń júrgizýshisine talap etiletin qujattar sanyn qysqartýǵa, avtobýs parkteriniń jyljymaly quramyn jańartýǵa, ekologııalyq jaǵdaıdy jaqsartýǵa, jolaýshylar tasymalynyń sapasy men qaýipsizdigin arttyrýǵa múmkindik beredi.

«Qazaqstan Respýblıkasy Іshki ister mınıstrliginiń usynǵan málimetterine sáıkes, sońǵy úsh jylda elimizde 45 950 jol-kólik oqıǵasy tirkelip, saldarynan 60 469 adam ártúrli deńgeıdegi dene jaraqatyn alyp, 6498 adam qaza bolǵan. Jol júrisi qaýipsizdigin qamtamasyz etýge qatysty birqatar is-sharalar atqarylyp, jol-kólik oqıǵalarynyń sany sońǵy jyldary azaıǵanymen, bul másele ózekti bolyp qalyp otyr, onyń birneshe sebepteri bar», - dedi Senat depýtaty Nurlan Beknazarov.

Onyń aıtýynsha, solardyń negizgileriniń biri – tehnıkalyq jaǵdaıy talapqa saı kelmeıtin, eskirgen kólik quraldarynyń jolaýshylardy tasymaldaý salasynda qoldanylýy. Mysaly, resmı málimetterge sáıkes qazirgi kezde elimizde árbir úshinshi avtobýs jıyrma jyldan astam ýaqyt boıy paıdalanylyp keledi.

«Bul kórsetkish jol-kólik oqıǵalary sanynyń kóbeıip, azamattardyń zardap shegýine ákelýde, sondyqtan jolaýshylar tasymaldaıtyn avtobýstardy jańartý qajettigi týyndap otyr. Osy oraıda «Jol júrisi týraly» Zańǵa on jyldan asa paıdalanyp kelgen avtobýstardy bastapqy tirkeýden ótkizýge tyıym salatyn túzetý usynyldy jáne bul normany 2022 jylǵy 1 qańtardan bastap engizý kózdelip otyr. Jalpy zań jobasyn qabyldaý azamattarymyzǵa qolaıly jaǵdaı jasaýǵa jáne quqyq qorǵaý organdarynyń qyzmetin ońtaılandyrýǵa oń áserin tıgizedi», - dedi senator.


Avtor Rýslan Ǵabbasov
Basty sózder: Kólik, Zań, Senat,
Joǵary qaraı