Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Omıkron shtamy janýarlar arasynda mýtatsııalanyp, adamdarǵa juǵýy múmkin – sarapshy

2021 jyldyń 7 jeltoqsan 2021 01:42

MÁSKEÝ. TASS-QazAqparat – Koronavırýstyń jańa «omıkron» shtamy janýarlar arasynda mýtatsııaǵa ushyrap, odan keıin baryp adamdarǵa juqqan bolýy múmkin. Buǵan jańa shtamnyń erekshelikteri kýá. Mundaı pikirdi DNKOM molekýlalyq-genetıkalyq zertteýler ǵylymı ortalyǵynyń negizin qalaýshysy men bas dırektory Andreı Isaev bildirdi, dep habarlaıdy QazAqparat TASS agenttigine silteme jasap.

«Omıkron» shtamyn birinshi bolyp taratqan naýqastyń ımmýn tapshylyǵy bar ekenin, sozylmaly AITV ınfektsııasymen aýyratynyn bilemiz. Sonymen qatar naýqas kovıdtyń sozylmaly túrimen aýyrǵan. COVID-19 onyń aǵzasynda mýtatsııalanǵan bolýy múmkin. Alaıda meniń teorııam kishkene basqasha. Biz iri mysyqtar, buǵy men qarakúzenniń ártúrli túrleri sııaqty sútqorektilerdiń koronavırýspen aýyratynyn bilemiz. Ońtústik Afrıkada adamdar janýarlarmen tyǵyz baılanysta. COVID-19 iri sútqorektilerge ótip, olardyń aǵzasynda evolıýtsııaǵa ushyraıdy dep oılaımyn. Sebebi vırýstyń túraralyq aýysýy kezinde aqýyzdar kombınatorıkasynda ózgeshe aıyrmashylyqtar bolyp, genetıkalyq túrlilik qalyptasady», - dedi Isaev.

Onyń oıynsha, atalǵan shtamm tabylǵan naýqas qate anyqtalǵan bolýy múmkin. «Ǵalymdar «nóldik naýqas» retinde ımmýn tapshylyǵy bar adamdy tirkegen, onyń burys anyqtalǵan bolýy múmkin. Naýqas jergilikti ańshy, ońtústik afrıkalyq reındjer, savannaǵa ketetin, qoryqta jumys isteıtin adamnan juqtyrǵan bolýy yqtımal», - dep túsindirdi ol.

Basty sózder: Álem, Koronavırýs,
Joǵary qaraı