Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Olımpıadalyq irikteý: Sý dobynan Qazaqstan áıelder quramasynyń kelesi qarsylasy anyqtaldy

2021 jyldyń 24 qańtar 2021 02:30

NUR-SULTAN. QazAqparat - Italııanyń Trıest qalasynda sý dobynan Tokıo Olımpıadasy irikteý týrnırindegi Qazaqstan áıelder quramasynyń kelesi qarsylasy anyqtaldy, dep habarlaıdy QazAqparat tilshisi.

Esterińizge sala ketelik, qazaqstandyq vaterpolshylar 5-8 oryndar úshin saıysta Slovakııany jeńgen bolatyn . Osylaısha olar 5 oryn úshin synǵa túsý múmkindigine qol jetkizdi.

Jarystyń bul satysynda qazaqstandyq qurama Frantsııamen sheberlik baıqasatyn boldy. Frantsýz qyzdary búgin Izraıldi 11:4 esebimen tize búktirdi.

Atap óterligi, Qazaqstan qyzdary V tobynda synǵa tústi. Alǵashqy oıynda Grekııadan 5:13, odan keıin Vengrııadan 6:23 esebimen jeńildi. Sońǵy oıynda Izraılmen 7:7 esebimen teń oınady. Shırek fınalda qazaqstandyq vaterpolshylar Nıderlandyǵa jol berdi.

Aıta keteıik, irikteý týrnırinde jartylaı fınalda Nıderlandy men Grekııa, Vengrııa men Italııa quramalary synǵa túsedi. Olımpıadaǵa eki joldama beriledi. Jeńgen eki qurama fınalda, jeńilgenderi 3 oryn úshin saıysqa túsedi. Іrikteý týrnıri 24 qańtarda máresine jetedi. Esterińizge sala ketelik, Qazaqstan quramasy Olımpıadada eki márte baq synady. 2000 jyly - 6, 2004 jyly - 8 oryn aldy.

Іrikteý týrnırinde jartylaı fınalda Nıderlandy men Grekııa, Vengrııa men Italııa quramalary synǵa túsedi. Olımpıadaǵa eki joldama beriledi. Jeńgen eki qurama fınalda, jeńilgenderi 3 oryn úshin saıysqa túsedi. Týrnır 24 qańtarda máresine jetedi.

Avtor Ádiljan Úmbet
Basty sózder: Sport,
Joǵary qaraı