Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Olımpıadada koronavırýs juqtyrǵandar arasynda qazaqstandyqtar bar ma – Komıtet jaýaby

2021 jyldyń 2 tamyz 2021 21:48

NUR-SULTAN. QazAqparat – Tokıo Olımpıadasynda qazaqstandyq sportshylar arasynda koronavırýs oqıǵalary tirkeldi me? Suraqqa QR Mádenıet jáne sport mınıstrligi Sport jáne dene shynyqtyrý isteri komıtetiniń tóraǵasy Serik Sápıev jaýap berdi, dep habarlaıdy QazAqparat.

«Bizdiń sportshylar arasynda koronavırýs aýrýy tirkelgen joq. Biz barlyq sanıtarlyq normalardy saqtadyq. Olımpıada bastalar aldynda úsh kún boıy barlyq sportshylar men delegatsııa músheleri karantınge oqshaýlandy. Bári jaqsy ótip jatyr. Bizdiń sportshylardyń eshqaısysy aýyrǵan joq», - dep jaýap berdi S. Sápıev Ortalyq kommýnıkatsııalar qyzmetinde.

Jalpy, Olımpıada bastalǵannan beri jarysqa qatysýshy nemese ony uıymdastyrýshylar arasynda koronavırýs juqtyrýdyń 246 jaǵdaıy anyqtalǵan.

«Olımpıadada COVID-19 juqtyrý faktileri áli de tirkelýde. Tokıoda sońǵy táýlikte 21 adam koronavırýsqa shaldyqty. Olardyń arasynda jazǵy Olımpıada oıyndaryna qatysýshylardyń joqtyǵy qýantady. Olımpıada bastalǵannan beri jarysqa qatysýshy nemese ony uıymdastyrýshylar arasynda koronavırýs juqtyrýdyń 246 jaǵdaıy anyqtaldy», - delingen Qazaqstanda Covid-19 taralýyna jol bermeý jónindegi vedomstvoaralyq komıssııa habarlamasynda.


Avtor Aıjan Serikjanqyzy
Basty sózder: Olımpıada, Sport, Qoǵam,
Joǵary qaraı