Aýa raıy
Astana 26 °S
Almaty 23 °S
valıýta baǵamy
USD 411.66
EUR 465.92
RUB 5.81
CNY 58.79

«Ohotzooprom» kásipornyna jańa basshy keldi

2019 jyldyń 14 qarasha 2019 14:37

NUR-SULTAN. QazAqparat – Ekologııa, geologııa jáne tabıǵı resýrstar mınıstrliginiń buıryǵymen «Ohotzooprom» ÓB» respýblıkalyq memlekettik qazynalyq kásipornynyń basshylyǵyna Marlen Aınabekov taǵaıyndaldy, dep dep habarlaıdy QazAqparat tilshisi.

Marlen Aınabekov buǵan deıin mınıstrliktiń Orman sharýashylyǵy jáne janýarlar dúnıesi komıteti tóraǵasynyń orynbasary qyzmetin atqaryp kelgen. Osy salada zor tájirıbesi bar.

«Inspektorlardyń qaza bolýyna baılanysty sońǵy oqıǵalardy eskere otyryp, mınıstrlik basshylyǵy jańa basshyǵa ınspektorlardyń qaýipsizdigin qamtamasyz etýge erekshe nazar aýdarýdy tapsyrdy. Qazaqstan Prezıdenti Qasym-Jomart Toqaev zańsyz ań aýlaǵany úshin jaýapkershilikti kúsheıtý jóninde tapsyrma berdi. Bul másele boıynsha Qazaqstan Respýblıkasynyń agroónerkásiptik keshendi retteý máseleleri boıynsha 28 qazandaǵy zańy aıasynda brakonerlik úshin jaýapkershilikti kúsheıtý boıynsha ózgerister men tolyqtyrýlar engizildi», - dep habarlaıdy mınıstrlikten.

Zań boıynsha ósimdikter men janýarlar dúnıesin qorǵaý jónindegi ınspektorlarǵa brakonerlerdi ustaýǵa, jetkizýge, sheteldik nemese azamattyǵy joq adamdy Qazaqstan Respýblıkasynan tys jerlerge shyǵaryp jiberýge jáne brakonerlik maqsatta paıdalanylǵan múlikti tárkileý boıynsha ókilettikter beriledi. Brakonerlikten bólek, ınspektorǵa baǵynbaýǵa, oǵan zorlyq-zombylyq pen ómirine qaýip tóndirgeni úshin qylmystyq jaýapkershilik kúsheıtilgen.

«Brakonerlermen kúresti kúsheıtý maqsatynda «Ohotzooprom» ÓB» RMQK-da materıaldyq-tehnıkalyq bazany jańartý boıynsha júıeli jumys júrgizilýde. Al janýarlar men ósimdikter álemin memlekettik qorǵaý qyzmetkerleriniń biliktiligin arttyrý úshin Іshki ister mınıstrligi ınspektorlarǵa arnalǵan arnaıy oqý baǵdarlamasyn ázirledi. Sonymen qatar, ınspektorlardyń avtokólikteri arnaıy dybys qaqqyshtarmen, daýys zoraıtqysh qurylǵylarmen jáne jasyl tústi grafıkalyq belgilermen qamtamasyz etiledi. Sondaı-aq, tabıǵat qorǵaý qyzmetteriniń materıaldyq – tehnıkalyq bazasyn jaqsartý maqsatynda brakonerlikke qarsy kúres úshin qazirgi zamanǵy tehnologııalar men quraldardy (UUA, drondar, tós kameralary, arnaıy tehnıka, elektroshokerler, travmatıkalyq qarý, jeke qorǵaný quraldary jáne t.b.) engizýdi kózdeıtin jańa normatıvter ázirlendi», - delingen habarlamada.

Joǵary qaraı