Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Oblystyń bas dárigeri aqmolalyqtardy qashyqtan jumys isteýge shaqyrdy

2022 jyldyń 12 qańtar 2022 16:15

KÓKShETAÝ. QazAqparat - Qazaqstan Respýblıkasy boıynsha COVID-19 aýrýynyń kúrt ósýi baıqalyp otyr, al Aqmola oblysynda memlekettik qyzmetshiler arasynda syrqattanǵandar kóptep tirkelýde. Osy rette, óńirdiń Densaýlyq saqtaý basqarmasynyń basshysy Narıman Syzdyqov shuǵyl túrde aqmolalyqtardy qashyqtan jumys isteýge shaqyrdy, dep habarlaıdy QazAqparat tilshisi.

«Biz ár mekemeniń kireberisinde súzgini ornatýdy mindetti dep sanaımyz, tipti sýbfebrıldi temperatýra jáne sýyqtyń kez kelgen belgileri bar adamdar jumysqa jiberilmeýi kerek. Barlyq jumys berýshilerden qyzmetkerlerdiń barynsha kóp sanyn qashyqtan jumys isteý formatyna kóshirýdi suraımyz. «Omıkron» koronavırýsynyń shtamy óte juqpaly, bir tasymaldaýshy kem degende 7-8 adamǵa juqtyrady», - dedi N.Syzdyqov.

Oblystyq densaýlyq saqtaý basqarmasynyń basshysy omıkron shtamyna tán belgilerdi de atady. Bul óńeshtiń jybyrlaýy, sharshaý, álsizdik, jaısyz seziný jáne býyndardaǵy aýyrsyný, bas aýrýy, 37-38 gradýs dene qyzýy keıde bar, keıde bolmaýy múmkin.

N.Syzdyqovtyń aıtýynsha, qalyptasqan jaǵdaıda betperde rejımin qatań saqtaý, úı-jaılardy jeldetý jáne kvartstaý qajet.

«Bas memlekettik sanıtarlyq dárigerdiń óńirdi «qyzyl» aımaqqa kóshirý jónindegi qaýlysy daıyndalýda. Sodan keıin qyzmetkerlerdiń 80 paıyzy qashyqtan jumys túrine aýysady. Vaktsınatsııadan keıin alty jáne odan da kóp aı ýaqyt ótken azamattardy qashyqtan jumys isteýge jiberý kerek», - dep túsindirdi basqarma basshysy.

Aıta ketsek, búgingi tańda 4471 aqmolalyqqa Pfizer birinshi komponenti egildi. Vaktsınatsııalanǵandardyń ishinde 3188 jasóspirim, 137 júkti jáne 1146 bala emizetin áıel bar.


Joǵary qaraı