Aýa raıy
Astana 16 °S
Almaty 28 °S
valıýta baǵamy
USD 412.55
EUR 468.66
RUB 5.79
CNY 58.80

Nyǵmatýlın jáne Vetnam Parlamentiniń Cpıkeri parlamentaralyq yntymaqtastyqty damytý týraly kelisti

2019 jyldyń 14 qarasha 2019 12:32

NUR-SULTAN. QazAqparat - Májilis Spıkeri Nurlan Nyǵmatýlın Vetnamǵa resmı sapary barysynda Ulttyq Jınalys Tóraǵasy Ngýen Thı Kım Nganmen kezdesti, dep habarlaıdy Tómengi Palatanyń baspasóz qyzmeti.

Taraptar parlamentaralyq yntymaqtastyqtyń basym baǵyttaryn talqylady. Beıindi komıtetter men yntymaqtastyq jónindegi toptar men parlamenttik fraktsııalar arqyly turaqty kezdesýler zań shyǵarmashylyq qyzmetinde tájirıbe almasýǵa múmkindik beredi.

Nurlan Nyǵmatýlın Vetnam – Ońtústik Shyǵys Azııadaǵy mańyzdy áriptes ekenin alǵa tarta kelip, Qazaqstan atalǵan memleketpen jan-jaqty is-qımyl ornatýǵa basa nazar aýdaratynyn atap ótti.

Óz kezeginde Ulttyq Jınalys tóraǵasy qazaqstan-vetnamdyq qatynasty nyǵaıtýda Qazaqstannyń Tuńǵysh Prezıdenti Nursultan Nazarbaevtyń rólin aıryqsha atap ótti.

Májilis Spıkeriniń pikirinshe, Eýrazııalyq Ekonomıkalyq Odaq pen Vetnam arasyndaǵy erkin saýda aımaǵy týraly Kelisim áriptestikti nyǵaıtýǵa serpin berdi. Vetnam – atalǵan kelisimge qol qoıǵan alǵashqy memlekettiń biri. Basym baǵyttar qatarynda aýylsharýashylyǵy, jeńil ónerkásip, kólik, logıstıka, týrızm salalaryn ataýǵa bolady.

Nurlan Nyǵmatýlın Májilistegi «Nur Otan» parlamenttik fraktsııasynyń jetekshisi retinde partııaaralyq dıalogty yntalandyrýǵa bas nazar aýdardy.

Parlamentaralyq qarym-qatynasty sóz ektende, Ulttyq Jınalys Tóraǵasy qazaqstandyq Parlament ókilderiniń saparyn eki el arasyndaǵy yqpaldastyq tarıhyndaǵy mańyzdy kezeń dep atap ótti. Óz sózinde:

- Men 2017 jyly Qazaqstanǵa barǵan saparymda, sizderdiń elderińizdiń damý qarqynynan, qalanyń sáýlet ónerinen umytylmas áser aldym,- dedi Ngýen Thı Kım Ngan. Sondaı-aq, elordasy Nur-Sultan qalasynda ótken Eýrazııa elderi parlamentteriniń 4-shi keńesiniń de tabysty ótkenine nazar aýdardy.

Kezdesý ıeleri halyqaralyq uıymdar arqyly baılanysqa da basa kóńil bóldi. Júzdesý barysynda eki el azamattaryna vızasyz rejım, Qazaqstan men Vetnam arasynda tikeleı áýe baılanysyn qalpyna keltirý máseleleri de nazardan tys qalmady.

Kezdesý sońynda Nurlan Nyǵmatýlın Vetnam Kommýnıstik partııasynyń 90 jyldyq, el táýelsizdiginiń 7 jyldyq ataýly kúnderine oraı Vetanm halqyna quttyqtaý joldady.

Joǵary qaraı