Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Nurtóre Júsip: Tálim TV men «El Arnany» jasóspirimder arnasyna aınaldyrý kerek

2022 jyldyń 20 qańtar 2022 12:10

NUR-SULTAN. QazAqparat – «El Arna», «Tálim TV» arnalaryn jasóspirimder arnasyna aınaldyrý kerek. Bul jaıynda búgin Senattyń jalpy otyrysynda QR Úkimet basshysyna saýal joldaǵan depýtat Nurtóre Júsip aıtty, dep habarlaıdy QazAqparat tilshisi.

Onyń aıtýynsha, ulttyq ıdeologııa men ulttyq tárbıeni damytýda aıtarlyqtaı alshaqtyq boldy.

Degenmen senatorlar bul máseleni Úkimet aldynda birneshe ret kóterip, tipti osy saladaǵy jaǵdaıdy jaqsartý boıynsha naqty usynystar jibergen.

Máselen, ótken jyly Senatta ulttyq qundylyqtardy saqtaý jáne odan ári ilgeriletý máselelerine arnalǵan parlamenttik tyńdaý ótti.

Tyńdaýǵa qatysýshylar kóptegen problemalyq máselelerdi kóterip, jumys qorytyndysy boıynsha Úkimetke usynystar bergen.

«Sizden sol usynymdarǵa qaıta nazar aýdarýdy, parlamenttik tyńdaý materıaldaryn Úkimet músheleriniń bárine tanystyrýdy jáne solardy júzege asyrý úshin shuǵyl áreket etýdi talap etemin! Senat bes qundylyqty – atap aıtqanda, táýelsizdik jáne tarıhı tanym, el men jer, til men ımandylyq, ulttyq dástúr jáne otbasylyq tárbıe, bilim men biliktilik máselesin qazaq qoǵamynyń basty qaǵıdattary retinde kún tártibine shyǵardy. Sonyń birde bireýi nazarǵa alynbady. Aıtylǵan sóz aıtylǵan jerde qaldy», - dep atap ótti Nurtóre Júsip.

Depýtat sondaı-aq óziniń saýalynda qoǵamdy tolǵandyratyn birqatar máselelerdi de aıtty. Munyń ishindi telearnalardyń negizgi baǵdary da bar.

Eldegi jetekshi arnalardyń kópshiligi memlekettik tapsyrys esebinen bıýdjetten qarjylandyrylady.

Olarǵa «reıtıng» ne úshin kerek dep suraq qoıǵan depýtat, «El Arna» jáne «Tálim TV» arnalaryn jasóspirimder arnasyna aınaldyrýdy usyndy.

Mundaı kontentti jasaý qajettiliginiń mańyzdylyǵyn eki aı buryn el Prezıdenti atap ótken bolatyn.

Sondaı-aq, depýtat bilim berý, jastardy rýhanı tárbıeleý, jasóspirimder úshin tsıfrlyq jobalar jasaý jáne jumyssyzdyq máselelerin sheshý salalarynda birqatar naqty máselelerdi kóterdi.

«Úkimet basshysynan osy aıtylǵandardy jáne Senat qabyldaǵan Ulttyq qundylyqtar týraly usynymdar men áleýmettik jelidegi paıdaly usynystardy tezirek elekke salyp, naqty is-qımyl josparyn jasaýdy suraımyn. Eshkim bizge jańa memleket quryp bermeıdi. Bizge irgesi berik qoǵam kerek. Jańarǵan Qazaq Eli kerek! Osyny kún saıyn este ustaý kerek», - dedi senator.


Avtor Marlan Jıembaı
Basty sózder: Senat, Parlament, BAQ, Bilim, Bala,
Joǵary qaraı