Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nursultan Nazarbaev Joǵary Eýrazııalyq ekonomıkalyq keńestiń otyrysyna qatysty

2021 jyldyń 21 mamyr 2021 18:43

NUR-SULTAN. QazAqparat – Beınekonferentsııa baılanysy rejıminde ótken Joǵary Eýrazııalyq ekonomıkalyq keńestiń otyrysynda Eýrazııa ekonomıkalyq odaǵy aıasyndaǵy yntymaqtastyqtyń negizgi máseleleri talqylandy, dep habarlaıdy elbasy.kz.

2020 jylǵy atqarylǵan jumys qorytyndylanyp, orta merzimdi perspektıvadaǵy mindetter qaraldy. Sondaı-aq koronavırýs pandemııasy jaǵdaıyndaǵy ózara ıntegratsııalyq is-áreket týraly pikir almasyldy.

Joǵary Eýrazııalyq ekonomıkalyq keńestiń Qurmetti tóraǵasy birlesip jumys isteý arqyly Eýrazııa ekonomıkalyq odaǵy álemdik ekonomıkada óz ornyn tapqanyn aıtty.

– Koronavırýs pandemııasynan týyndaǵan ekonomıkalyq daǵdarys bizdiń ıntegratsııalyq birlestigimiz úshin úlken synaq boldy. Qaýipsizdik máseleleri aldyńǵy qatarǵa shyqty, – dedi Elbasy.




Nursultan Nazarbaev jıynda azyq-túlik qaýipsizdigin qamtamasyz etý men áleýmettik ınfraqurylymdy damytý máselelerin kóterip, álemdik «jasyl» ekonomıkanyń damý úrdisterine toqtaldy. Sonymen qatar Eýrazııa ekonomıkalyq odaǵynyń basqa ıntegratsııalyq birlestiktermen, uıymdarmen ózara tıimdi yntymaqtastyǵy jáne júıeli ekonomıkalyq dıalogty jalǵastyrýy mańyzdy ekenin atap ótti.

– Senimdi seriktestermen jáne odaqtastarmen birlesip qana elderimizdiń ekonomıkalyq qaýipsizdigi men táýelsizdigin qamtamasyz etýge bolady. Eýrazııa ekonomıkalyq odaǵy qurylǵannan beri uıym músheleri eń kúrdeli jaǵdaıda da ózara mámilege kelip, bir-birin qoldaıtyn seriktester ekenin kórsetti. Qazirgi jaǵdaıǵa baılanysty biz ıntegratsııa men ózara túsinistikti budan da arttyra túsýimiz kerek, – dedi Joǵary Eýrazııalyq ekonomıkalyq keńestiń Qurmetti tóraǵasy.





Joǵary qaraı