Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nursultan Nazarbaev «Qazatomónerkásip» kompanııasy basqarmasynyń tóraǵasyn qabyldady

2021 jyldyń 26 mamyr 2021 17:34

NUR-SULTAN. QazAqparat - «Samuryq-Qazyna» ulttyq ál-aýqat qoryn basqarý jónindegi keńestiń Tóraǵasy Nursultan Nazarbaev «Qazatomónerkásip» ulttyq atom kompanııasy» aktsıonerlik qoǵamy basqarmasynyń tóraǵasy Ǵalymjan Pirmatovty qabyldady, dep habarlaıdy QazAqparat elbasy.kz-ke silteme jasap.

Kezdesýde Nursultan Nazarbaevqa ulttyq kompanııanyń byltyrǵy jumysynyń negizgi nátıjeleri men qazirgi qyzmeti týraly aqparat berildi.

Ǵ.Pirmatovtyń aıtýynsha, «Qazatomónerkásip» ulttyq kompanııasy óziniń atom salasyndaǵy senimdi seriktes ári otyn jetkizýshi mártebesin nyǵaıtyp, eń iri tabıǵı ýran satýshy retindegi ornyn saqtap qaldy. Jahandyq pandemııanyń syn-qaterlerine qaramastan, kompanııa 2020 jylǵa josparlanǵan barlyq kórsetkishterge qol jetkizdi, keıbireýi boıynsha jospar asyra oryndaldy. Byltyrǵy jyldyń qorytyndysy boıynsha túsim – 587,5 mıllıard teńgege, al taza paıda 221 mıllıard teńgege jetti. Kompanııanyń 2018-2021 jyldar kezeńindegi dıvıdendteriniń jalpy somasy 491 mıllıard teńgeni quraıdy.

Sondaı-aq Nursultan Nazarbaevqa holdıng kásiporyndaryndaǵy vaktsınatsııa qarqyny týraly, kompanııanyń iri jobalarynyń júzege asyrylýy, sonyń ishinde jylý bóletin quramalar shyǵarý zaýytynyń iske qosylýy jóninde baıandaldy.


Joǵary qaraı