Aýa raıy
Astana -13 °S
Almaty -10 °S
valıýta baǵamy
USD 421.58
EUR 496.83
RUB 5.53
CNY 62.20

Nurlan Nyǵmatýlın jýrnalısterge «Parlament sózi» syılyǵyn tabystady

2020 jyldyń 30 qazan 2020 10:16

NUR-SULTAN. QazAqparat - Májilis tóraǵasy Nurlan Nyǵmatýlın jýrnalısterge arnalǵan «Parlament sózi» syılyǵynyń jeńimpazdaryna Májilis músinshesi men dıplomdardy tabystady, dep habarlaıdy QazAqparat tómengi palatanyń baspasóz qyzmetine silteme jasap.

Bıyl tórtinshi ret ótkizilip otyrǵan dástúrli parlamenttik syılyqtyń qorytyndysy jaz mezgilinde Buqaralyq aqparat quraldary qyzmetkerleriniń kásibı merekesi qarsańynda shyǵarylǵan bolatyn. Alaıda karantınge baılanysty estelik músinsheler men laýreattardyń dıplomdaryn tapsyrý rásimi kúzgi parlamenttik sessııaǵa aýystyryldy.

Májilis Tóraǵasy «Parlament sózi» syılyǵyn jeńimpazdarǵa tabystap, buqaralyq aqparat quraldarynyń elimizdiń damýyndaǵy, sondaı-aq depýtattyq korpýs pen jýrnalısterdiń birlesken nátıjeli jumysyn atap ótti. Nurlan Nyǵmatýlınniń aıtýynsha, jýrnalısterdiń Májilis jumysyn nasıhattap, depýtattardyń qyzmetin halyqqa jetkizýde qosqan úlesteri óte zor.




«Parlamenttik jýrnalıstıkany damytýǵa qosqan úlesi úshin» atalymy boıynsha «Qazaqstan dauiri» bas dırektory Sáýle Meshitbaeva jáne «Karavan» gazetiniń bas redaktory Igor Shahnovıchke berildi.

«Úzdik televızııalyq sıýjet úshin» nomınatsııasyn «Habar» telearnasynyń tilshisi Indıra Jylqaıdarova men «Eýrazııa» birinshi arnasynyń» tilshisi Svetlana Penkova ıelendi.

Al, «Úzdik baspa jarııalanymy úshin» nomınatsııasyn «Egemen Qazaqstan» gazetiniń tilshisi Temir Qusaınov pen «Lıter» gazetiniń ujymy jeńip aldy.

«Úzdik ınternet jáne radıo materıaly» nomınatsııasyn «Abai.kz» aqparattyq portaly jáne Serik Sabekov («Kazinform») ıelendi. «Parlament sózi» syılyǵynyń «Arnaıy reportaj» nomınatsııasyn «Qazaq radıolarynan» Qymbat Dosjan jáne «Habar 24» telearnasynyń korrespondenti Mark Brıýshko aldy.

«Úzdik beıne – sýret materıaly úshin» nomınatsııasyn «Nur Media» fototilshisi Sovetbek Maǵzýmov jáne «Habar» telearnasynyń bas operatory Edil Ermekbaev ıelendi.

Sondaı-aq, bıyl áleýmettik jelidegi úzdikter anyqtaldy. Olar «Áleýmettik jelidegi úzdik materıal úshin» nomınatsııasyn alǵash ret jýrnalıst-bloger Órken Kenjebek jáne YEDILOV ONLINE Telegram-kanalynyń avtory Erbol Edilov ıelendi.

Sonymen qatar, Májilis tóraǵasy Nurlan Nyǵmatýlınniń bastamasymen bıylǵy jyly «Parlament sózi» arnaıy syılyǵy» nomınatsııasy mezgilsiz dúnıeden ótken halqymyzǵa belgili jýrnalıst, tanymal telejúrgizýshi, ardaqty azamat, Beısen Quranbektiń qurmetine berilip, arnaıy syılyq jaryna tabystaldy.




Jeńimpazdarǵa Májilis músinsheleri jáne arnaıy dıplomdar tabystaldy.

















Basty sózder: BAQ, Parlament,
Joǵary qaraı