Nurken Mázbaev «Taraz» fýtbol klýbynyń bas bapkeri qyzmetine taǵaıyndaldy

NUR-SULTAN. QazAqparat - Qazaqstandyq maman Nurken Mázbaev «Taraz» fýtbol klýbynyń bas bapkeri qyzmetine taǵaıyndaldy, dep habarlaıdy QazAqparat tilshisi.
Bul týraly komandanyń áleýmettik jelidegi resmı paraqshasy arqyly málimdedi.
N.Mazbaev 1972 jyldyń 7 sáýirinde dúnıege kelgen. Fýtbolshylyq mansabynda «Taraz», «Qaısar», «Sıntez», «Jeńis», «Dostyq», «Qaırat», «Tobyl» jáne «Ordabasy» komandalarynda dop tepti.
2008 jyldan beri bapkerlik qyzmette «Taraz», «Oqjetpes» komandalary jáne Qazaqstan ulttyq quramasynda bapkerler quramynda boldy. 2018 jyly «Tarazda» bas bapker bolsa, 2019 jyldan beri «Astanada» sporttyq dırektor qyzmetin atqardy.
Eske salsaq, budan buryn «Turan» komandasyna bas bapker taǵaıyndalǵanyn habarlaǵan edik.