Aýa raıy
Astana -6 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Nýrdınjon Ismoılov: Nursultan Nazarbaev – Qazaqstan memlekettiliginiń bastaýynda turǵan kórnekti tulǵa

2020 jyldyń 26 qarasha 2020 17:59

NUR-SULTAN. QazAqparat - Ózbekstannyń Olıı Májilisi zań shyǵarý palatasynyń Spıkeri Nýrdınjon Ismoılov qazaqstandyqtardy Tuńǵysh Prezıdent kúnimen quttyqtady. Bul týraly Qazaqparat Májilistiń baspasóz qyzmetine silteme jasap habarlaıdy.

Tuńǵysh Prezıdent kúnine oraı «Elbasy N.Á.Nazarbaevtyń Qazaqstandaǵy parlamentarızmniń qalyptasýy men damýyndaǵy róli» atty Májilis uıymdastyrǵan halyqaralyq konferentsııada sóz sóılegen Nýrdınjon Ismoılov Qazaqstannyń Tuńǵysh Prezıdenti N.Á.Nazarbaevty Qazaqstan memleketin qurýdyń bastaýynda turǵan kórnekti tulǵa ekenin aıtty.

Sonymen qatar Nursultan Nazarbaevtyń Qazaqstannyń jáne búkil Ortalyq Azııa aımaǵynyń múddeleri úshin yntymaqtastyqty damytýǵa degen umtylysyn erekshe atap ótti.

«QR Tuńǵysh Prezıdenti kúnin merekeleý Ózbekstan men Qazaqstan arasyndaǵy strategııalyq seriktestik tamyryn tereńdete túsedi jáne eki eldiń basshylary Shavkat Mırzıeev pen Qasym-Jomart Toqaevtyń kópjosparly yntymaqtastyǵyn nyǵaıtýdaǵy joǵary rólin atap ótýge múmkindik beredi» - dedi Ózbekstannyń zań shyǵarý palatasynyń spıkeri.

Nýrdınjon Ismoılovtyń aıtýynsha, qos el arasyndaǵy strategııalyq ózara baılanys dástúrli túrde joǵary deńgeıde álemdegi qazirgi epıdemıologııalyq jaǵdaıǵa qaramastan, qarqyndy damyp keledi.

Ózbekstannyń zań shyǵarý palatasynyń Spıkeri eki el arasyndaǵy Parlamentaralyq yntymaqtastyqty joǵary baǵalap:

«Biz, eki eldiń parlamentshileri, memleketaralyq yntymaqtastyqty damytýǵa óz úlesimizdi qosýǵa daıynbyz jáne óz quzyretimiz sheńberinde ony keńeıtýge úles qosamyz», - dedi Nýrdınjon Ismoılov.


Joǵary qaraı