Aýa raıy
Astana -11 °S
Almaty -6 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultandaǵy shekteý sharalary: Bas sanıtarlyq dárigerdiń jańa qaýlysy shyqty

2020 jyldyń 21 qarasha 2020 10:42

NUR-SULTAN. QazAqparat - Nur-Sultan qalasynyń Bas memlekettik sanıtarlyq dárigeri J. Q. Pralıeva koronavırýstyq ınfektsııanyń taralýyn boldyrmaý maqsatynda jańa qaýly shyǵardy, dep habarlaıdy QazAqparat.

Qaýlyǵa sáıkes, Nur-Sultan qalasynyń turǵyndaryna oıyn-saýyq, sporttyq jáne basqa da buqaralyq is-sharalardy, sondaı-aq otbasylyq, eske alý is-sharalaryn (banketter, úılený toılary, mereıtoılar, eske alý), onyń ishinde úıde ótkizýge, mıtıngiler, sherýler, jıyndarǵa salynǵan shekteý jalǵasady.

Áleýmettik qashyqtyqty mindetti túrde 2 metrden kem emes saqtaı otyryp, jeke tártippen jáne 5 adamnan aspaıtyn toppen tek ashyq aýada sporttyq jattyǵýlar ótkizýge bolady.

Qyzmeti qaıta bastalmaǵan obektilerge: bılıard, karaoke, boýlıng ortalyqtary, kompıýterlik jáne oıyn klýbtary, túngi klýbtar, jabyq ǵımarattardaǵy balalar oıyn alańdary men attraktsıondary, batýttar, karaoke, býkmekerlik keńseler men lotereıalar utys oıyny jáne t. b. barýǵa tyıym salý kúshinde qalady.

65 jastan asqan adamdardyń qala jáne qoǵamdyq oryndar boıynsha júrip-turýyna shekteý áli de jalǵasady.

Mindetti túrde betperde kıip jáne keminde 2 metr áleýmettik qashyqtyqty saqtaı otyryp, aýlalarda serýendeýge jáne saıabaqtarǵa, alańdarǵa, skverlerge, jaǵalaýlarǵa 3 adamnan aspaıtyn toptarmen nemese bir otbasy múshelerimen barýǵa ruqsat.

Qoǵamdyq oryndarǵa, onyń ishinde qalalyq qoǵamdyq kólikterge jáne qyzmeti ruqsat etilgen obektilerge barǵan kezde, kóshede júrý kezinde (5 jasqa deıingi balalardy qospaǵanda jáne ashyq aýada sportpen shuǵyldaný kezinde) betperde kııý, qashyqtyqty saqtaý jáne antıseptıkterdi paıdalaný jónindegi talaptardy qatań saqtaý qajet.

Basqa da shekteýler men ruqsat etilgen jaǵdaılarmen myna silteme arqyly tanysýǵa bolady.


Basty sózder: Karantın, Nur-Sultan,
Joǵary qaraı