Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultandaǵy karantın: Jańa qaýly jarııalandy

2021 jyldyń 26 aqpan 2021 16:04

NUR-SULTAN. QazAqparat – Nur-Sultan qalasynyń bas memlekettik sanıtarııalyq dárigeri Sarhat Beısenova turǵyndar arasynda koronavırýs ınfektsııasynyń tirkelýiniń tómendeýin eskere otyryp, jańa qaýly jarııalady, dep habarlaıdy QazAqparat tilshisi.

Jańa qaýly boıynsha buqaralyq is-sharalardy, sondaı-aq otbasylyq, eske alý is-sharalaryn, onyń ishinde úıde (banketter, úılený toılary, mereıtoılar, eske alý jáne t.b.), mıtıngiler, sherýler, jıyndar ótkizýge salynǵan tyıym kúshinde qalady. Qyzmeti jańartylmaǵan nysandar: bılıard, karaoke, boýlıng-ortalyqtarǵa, batýttar,kompıýterlik klýbtarǵa, túngi klýbtarǵa, býkmekerlik keńseler men oıyn klýbtaryna, onyń ishinde lotereıa utystaryna, jabyq ǵımarattardaǵy oıyn alańdary men attraktsıondarǵa, sporttyq obektilerde ornalasqandardy qospaǵanda, onyń ishinde muzdy jáne rolıkti syrǵanaqtarǵa barýǵa da tyıym salynǵan.

Áıtse de menshik nysanyna qaramastan barlyq uıymdar, kásiporyndar qyzmetkerleriniń keminde 60%-yn qashyqtyqtan jumys isteý túrine kóshirýge ruqsat berildi. Odan bólek saýda obektilerine, qyzmet kórsetý salasyndaǵy obektilerge, qoǵamdyq kólikke jáne adamdar kóp jınalýy múmkin oryndarǵa dezınfektsııalyq is-sharalardy júrgizý boıynsha jumys kúsheıtilmek. Sol sekildi qalalyq qoǵamdyq kóliktiń jumysy shtattyq rejımde jumys kestesin belgileı otyryp uıymdastyrylady. Qalaaralyq, oblysishilik avtobýs pen shaǵyn avtobýs tasymaldarynyń jumysy jandanady. Sondaı-aq, jeksenbide S OO-lardyń jumys isteýine ruqsat berildi.

Qaýlynyń tolyq mátinin myna siltemeden oqýǵa bolady.


Avtor Aıan Bekenuly
Basty sózder: Karantın, Koronavırýs, Nur-Sultan,
Joǵary qaraı