Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda jyl basynan beri toǵyz myńnan astam adam jumysqa ornalasty

2021 jyldyń 21 qyrkúıek 2021 18:47

NUR-SULTAN. QazAqparat - Nur-Sultan qalasy ákimdiginiń Halyqty jumyspen qamtý ortalyǵy 2021 jyl basynan beri astanalyq 15 350 azamatty qabyldady, dep habarlaıdy QazAqparat ákimdiktiń resmı saıtyna silteme jasap.

Barlyǵy 9 189 adam jumysqa ornalastyryldy. Onyń ishinde elektrondy eńbek bırjasy arqyly – 2 978 adam, al 5 347 adam turaqty jumys tapty.

«Eńbek» memlekettik baǵdarlamasy aıasynda qoǵamdyq jumystarǵa – 2 620, áleýmettik jumys oryndaryna - 179, jastar praktıkasyna – 789 adam jumysqa jiberildi.

Jumyspen qamtýdyń jol kartasy sheńberinde - 254 adam jumysqa ornalastyryldy. Jalpy, Jumyspen qamtýdyń jol kartasy aıasynda Nur-Sultan qalasy boıynsha bıyl 500-den astam jumys orny quryldy. Jospar boıynsha 483 jumys ornyn qurý kózdelgen bolatyn, búgingi tańda -503 adam jumysqa ornalastyryldy. 291 turaqty jumys orny quryldy.

Halyqty jumyspen qamtý ortalyǵy barlyq sanattaǵy azamattardyń jumysqa ornalasýyna járdemdesedi. Nur-Sultan qalasyndaǵy ortalyqqa kún saıyn ártúrli jastaǵy jumyssyz azamattar, probatsııa qyzmetinde esepte turǵandardar men múmkindigi shekteýli jandar júginedi.

Jyl basynan beri probatsııa qyzmetindegi - 47, múgedektigi bar - 574 adam jumysqa ornalastyryldy.

Halyqty jumyspen qamtý ortalyǵy búgingi eńbek naryǵynda talap etiletin mamandyqtar boıynsha jumyssyz azamattarǵa arnalǵan kýrstarǵa jiberedi.

Bıyl Jumyspen qamtý ortalyǵy arqyly 213 adam kásiptik bilim berý kýrstaryn oqydy. Arnaıy kýrstar aspaz, kondıter, tiginshi, shashtaraz, kassır-baqylaýshy, naýbaıshy, tárbıeshi-kómekshi mamandyqtary boıynsha uıymdastyryldy.
2021 jyly Nur-Sultan qalasy boıynsha jańa bıznes ıdeıalardy iske asyrý úshin 414 bıznes ıdeıaǵa grant bólindi. Ázirge 401 grant qarjylandyryldy. Grant alǵandar qatarynda halyqtyń áleýmettik osal top ókilderi de bar. Olar: kópbalaly jáne az qamtylǵan otbasy músheleri, múmkindigi shekteýli azamattar men AÁK alýshylar, 29 jasqa deıingi jastar sanatyndaǵy azamattar.

Qazir Jumyspen qamtý ortalyǵynyń qyzmetterin qashyqtan paı̆dalanýǵa bolady. Osy maqsatta elektrondy eńbek bırjasy memlekettik aqparattyq portaly jumys isteı̆di (www.enbek.kz).

Tolyq aqparat pen mamandar keńesin alý úshin ortalyqtyń jumyspen qamtý bóliminiń tel: 72-93-31, 57-86-95, 8 701 573 65 93 nomerine habarlasýyna bolady.

Aıta keteıik, 2020 jyly elordada Jumyspen qamtýdyń jol kartasy boıynsha 151 ınfraqurylymdyq joba júzege asyrylyp, 15 253 jańa jumys orny quryldy.


Joǵary qaraı