Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda ıoga men fıtnes jattyǵýlarynyń tegin sabaǵy ótedi

2021 jyldyń 11 maýsym 2021 20:44

NUR-SULTAN. QazAqparat - Nur-Sultan qalasynyń turǵyndary úshin jaz mezgilinde ıoga, fıtnes jattyǵýlardan arnaıy tegin sabaqtar ótedi. Qalalyq Dene shynyqtyrý jáne sport basqarmasynyń uıymdastyrýymen ótetin tegin sabaqtardy kásibı jattyqtyrýshylar men fıtnes nusqaýshylar júrgizedi, dep habarlaıdy elorda ákimdiginiń resmı saıty.

Basqarmanyń buqaralyq sport bóliminiń bas mamany Aqerke Ótegenova alǵashqy jattyǵý aldaǵy demalys kúnderi ashylatyn «Demalys promenad» kóshesinde bastalatynyn aıtty.

«Tegin sabaqtar men jattyǵýlar 12 maýsym kúni ashylatyn «Demalys promenad» demalys kóshesinde bastaý alady. Sonymen qatar atalǵan kóshede sportshylarymyz kıokýshınkaı karate, mýaı taı, taekvando, kórkem gımnastıka sekildi sport túrlerinen sheberlik sabaqtaryn ótkizedi. Sondaı-aq «Qoljetimdi sport» baǵdarlamasy aıasynda elorda turǵyndaryna fıtnes, júgirý, vorkaýt, zýmba, ıoga, tynys alý gımnastıkasy, skandınavııalyq júris sekildi sport túrlerinen kásibı jattyqtyrýshylarmen sabaqtar uıymdastyramyz. Sabaqtar qalamyzdyń barlyq saıabaqtary men shalǵaı aýdandardy da qamtıtyn bolady», — dedi sport basqarmasynyń ókili.

Sabaqtardyń kestesin basqarmanyń áleýmettik jelidegi paraqshalarynan (@sport_nursultan) jáne 55-75-61 baılanys nómirinen bilýge bolady.





Basty sózder: Nur-Sultan, Sport,
Joǵary qaraı