Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Nur-Sultanda ulttyq mektep sport lıgasy ótip jatyr

2021 jyldyń 15 qazan 2021 16:54

NUR-SULTAN. QazAqparat – Nur-Sultan qalasynda oqýshylar arasynda sport lıgasy ótip jatyr, dep habarlaıdy QazAqparat tilshisi.

«Memleket basshysy Qasym-Jomart Toqaev jyl saıynǵy Joldaýynda buqaralyq sportty damytýǵa erekshe toqtalyp ótedi. Halyq arasynda salaýatty ómir saltyn nasıhattaý basty nazarda. Buqaralyq sportty damytýdyń negizgi baǵytynyń biri - mektep sporty. Osy rette mektep lıgasyn uıymdastyrýdyń arqasynda jasóspirimder sporty damyp jatqanyn atap ótkim keledi. Jalpy mektep lıgasyn ótkizýdiń qoǵam úshin paıdasy kóp. Osy sekildi sharalardyń óskeleń urpaqtyń densaýlyǵyn jaqsartýda úlesi zor. Qazirgi ýaqytta mektepterde sporttyq sektsııalardyń sanyn arttyrý boıynsha jumys júrgizip jatyrmyz. Búginde elimiz boıynsha 45 myńnan astam sektsııada 900 myńǵa jýyq mektep jasyndaǵy bala sportpen shuǵyldanyp jatyr»,-dedi QR Mádenıet jáne sport mınıstri Aqtoty Raıymqulova atalǵan sharanyń ashylý saltanatynda.

Ulttyq mektep sporttyq lıgasy el kóleminde ótedi jáne oǵan 5-11 synyp oqýshylary qatysady.

«Búgin birneshe sport túrinen balalar arasyndaǵy ulttyq lıga bastaldy. Jalpy elimiz boıynsha 7400-den astam mektep bar. Sporttan ulttyq lıga aldymen mektep ishinde, sodan soń mekteparalyq deńgeıde ótedi. Sonymen qatar ol aýdandyq, qalalyq, oblystyq deńgeıde uıymdastyrylady. Buǵan deıin mekteparalyq ulttyq lıga 8 sport túri boıynsha ótse, bıyl onyń sany 9-ǵa jetti. Atap aıtqanda, toǵyzqumalaq, asyq oınaý, fýtbol, voleıbol jáne taǵy basqa sport túri bar», - dedi QR Bilim jáne ǵylym mınstri Ashat Aımaǵambetov.

Sondaı-aq, mınıstrler balalardyń oıynyn tamashalap, olarmen suhbattasty.

Uıymdastyrýshylardyń málimdeýinshe, ulttyq mektep sport lıgasy aıasynda el kóleminde 48 jarys ótkizilip, oǵan 4244 oqýshy qatysqan.

Aıta keteıik, Táýelsizdiktiń 30 jyldyǵyna oraı ótkizilip otyrǵan shara elimizde buqaralyq jáne balalar sportyn damytý maqsatyn kózdeıdi.


Avtor Álı Ibraev
Basty sózder: Sport, Nur-Sultan,
Joǵary qaraı